Eendombwedi daJehova odi li ngoo Ovakriste?
Heeno. Otu li Ovakriste omolwomatomheno taa landula:
Ohatu kendabala okulandula filufilu omahongo neenghedi daJesus Kristus.—1 Petrus 2:21.
Otwa itavela kutya ovanhu otava ka xupifwa okupitila muJesus, molwaashi “kaku nedina limwe lilili koshi yeulu, la yandjelwa ovanhu omo tu nokuxupifilwa mo.”—Oilonga 4:12.
Ngeenge ovanhu va ninga Eendombwedi daJehova, ohava ninginifwa medina laJesus.—Mateus 28:18, 19.
Ohatu pitifile omailikano etu medina laJesus.—Johannes 15:16.
Otwa itavela kutya Jesus oye Omutwe ile kutya okwa nangekwa po a pangele omulumenhu keshe.—1 Ovakorinto 11:3.
Ndele otwa yooloka ko meenghedi dihapu komalongelokalunga amwe oo hakutiwa opaKriste. Pashihopaenenwa, otwa itavela kutya Ombibeli otai hongo kutya Jesus oye Omona waKalunga, ndele ke fi oshitukulwa shOukwatatu. (Markus 12:29) Otwa itavela kutya omwenyo ohau fi, kutya ope na omatomheno opamishangwa molwaashi hatu ti kutya Kalunga iha hepeke ovanhu momundilo waalushe, ile kutya ovo hava kwatele komesho moinima yopalongelokalunga kave na okwiifanwa omadinafimaneko oo tae va tumbalekifa komesho yavamwe.—Omuudifi 9:5; Hesekiel 18:4; Mateus 23:8-10.
Otashi dulika yo u hafele oikundafanwa ei
OMAPULO OO HAA PULWA LUHAPU
Eendombwedi daJehova oda itavela ngoo muJesus?
Konakona kutya omolwashike okwiitavela muJesus kwa fimana kOvakriste vashili.
OMAPULO OO HAA PULWA LUHAPU
Omolwashike Eendombwedi daJehova ihadi longifa omushiyakano melongelokalunga?
Nonande Eendombwedi daJehova odi li Ovakriste, ihatu longifa omushiyakano melongelokalunga letu. Omolwashike mbela?
KOMBINGA YETU
Omolwashike u na okukonakona Ombibeli?
Ombibeli otai kwafele ovanhu omamiliyona mounyuni aushe va mone omanyamukulo omapulo oo a fimanenena monghalamwenyo. mbela ino hala okukala umwe womuvo?
KOMBINGA YETU
Pula u talelwe po
Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.