Ahowe, Eendombwedi daJehova ihadi yandje oshitimulongo; oilonga yetu oye likolelela ashike komayambidido opashimaliwa ehalo liwa. Oshitimulongo oshike, nomolwashike Eendombwedi daJehova ihadi yandje oshitimulongo?

 Oshipango shokuyandja oshitimulongo shoiniwe yomunhu osha li oshitukulwa shOmhango oyo ya li ya pewa Israel shonale. Ndele Ombibeli oya yelifa nawa kutya Omhango oyo, mwa kwatelwa ‘oshipango shokutambula oshitimulongo,’ itai longo kOvakriste.—Ovaheberi 7:5, 18; Ovakolossi 2:13, 14.

 Ponhele yokuyandja oshitimulongo, Eendombwedi daJehova ohadi hopaenene Ovakriste vopefimbo lonale nohadi yambidida oukalele wado meenghedi dopavali: yotete, ohadi wanifa po oukalele wado kudo vene nopehe na okufutwa, oshitivali, ohadi yandje omayambidido opashimaliwa nehalo liwa.

 Kungaho, ohatu shikula elombwelo olo la pewa Ovakriste olo kutya: “Keshe tuu na yandje ngaashi omutima waye tau mu lombwele, hanomunyengutima ile kefininiko, osheshi Kalunga e hole ou ta yandje nehafo.”—2 Ovakorinto 9:7.