Mbela Eendombwedi daJehova Ovaprotestande?
Hasho nandenande. Eendombwedi daJehova Ovakriste ndele kandi fi Ovaprotestande. Omolwashike mbela?
Ouprotestande otau yelifwa kutya oo “omalongelokalunga oo e li omhinge nongeleka yaKatolika kaRoma.” Oshoshili kutya Eendombwedi daJehova itadi tu kumwe nomahongo ongeleka yaKatolika, ashike katu fi Ovaprotestande omolwomatomheno taa landula:
Omaitavelo Ovaprotestande vahapu oku li omhinge naasho Ombibeli tai hongo lela. Pashihopaenenwa, Ombibeli otai hongo kutya “Kalunga Oye umwe,” ndele ke fi omukwatatu. (1 Timoteus 2:5; Johannes 14:28) Otai popi yo sha yela kutya Kalunga ita ka handukila ovakolokoshi moku va xwika momundilo woheli, ndele ote ke va hanauna po fiyo alushe.—Epsalme 37:9; 2 Ovatessaloniki 1:9.
Ihatu ningile omakangha ongeleka yaKatolika ile omalongelokalunga amwe noihatu kendabala oku a lundulula. Mepingafano naasho, ohatu udifa ashike onghundana iwa yOuhamba waKalunga, hatu kendabala okukwafela vamwe va kale ve na eitavelo monghundana iwa ya tya ngaho. (Mateus 24:14; 28:19, 20) Ihatu kendabala okulundulula omalongelokalunga amwe, ndele ohatu hongo ashike ovanamitimadiwa oshili kombinga yaKalunga noyEendjovo daye, Ombibeli.—Ovakolossi 1:9, 10; 2 Timoteus 2:24, 25.
Otashi dulika yo u hafele oikundafanwa ei
OMAPULO OO HAA PULWA LUHAPU
Eendombwedi daJehova odi li ngoo Ovakriste?
Tala kutya omolwashike tu li Ovakriste nosho yo nghee twa yooloka ko komalongelokalunga.
OMAPULO OPAMBIIBELI A NYAMUKULWA
Mbela omalongelokalunga aeshe okwa faafana? Mbela aeshe okwa hokiwa kuKalunga?
Oinima ivali oyo ya tumbulwa mOmbiibeli oya yandja enyamukulo.
OMAHONGO OMBIIBELI A FIMANA
Mbela Kalunga okwa hokwa omalongelokalunga aeshe?
Ovanhu vahapu ova itavela kutya kashi na mbudi kutya ou li melongelokalunga lilipi.
KOMBINGA YETU
Oto dulu okwoongala pamwe nafye
Shiiva osho hashi ningwa pokwoongala kwetu. Konga onhele yokwoongala oyo i li popepi naave.