Omatalelepo koBetel
Ohatu ku shivi nefimaneko u uye u talele po oitaimbelewa yetu, oyo hai ifanwa Betel. Keembelewa detu dimwe oku na oinima ya longekidwa oyo to dulu okutala wa manguluka nopehe na okuulikilwa komunhu.
Omatalelepo kObetel: 1 Juni 2023, Eebetel mounyuni aushe oda li vali da hovela okutalelwa po. Opo u mone ouyelele muhapu, kwatafana noshitayimbelewa osho wa hala okutalela po. Alikana ino talela po ngeenge ouna o-COVID-19, u na omadidiliko omukolo, ile eshikisha, ile wa endafana naumwe oo e na o-COVID-19.
South Africa
Ouyelele u na sha netalelepo
Mbela owa pumbwa okuninga omalongekido komesho yefimbo fimbo ino ka talela po? Osho naanaa. Opo ku henukwe engudumano lovanhu nopo ovatalelipo va hafele etalelepo lavo, ohatu indile ovatalelipo aveshe va valeke omafiku oo va hala okutalela po koBetel, kashi na nee mbudi kutya ova hala okuya momuvalu u fike peni. Owa pumbwa okuninga omalongekido e na sha netalelepo oshivike shimwe komesho yefimbo, ile kuyele lela. Ngeenge oto diladila oku ka talela po pefimbo lomafiku omafudo, owa pumbwa okuninga omalongekido komesho yefimbo elela.
Ngeenge ino ninga omalongekido, mbela oto dulu ngoo okuya u ka talele po? Ngeenge ino ninga omalongekido komesho yefimbo, otashi dulika itapa ka kala omhito yokupewa otuura. Omolwomhito nefimbo, omuvalu waavo tava dulu okupewa otuura mefiku ohau kala wa ngabekwa.
Ou na okufika efimbo peni mefiku letalelepo loye? Opo ku henukwe engudumano lovanhu, oto ladipikwa u uye ku na ovili lwaapo mefiku olo.
Ongahelipi to dulu okuninga omalongekido? Finda opo pa shangwa “Ninga elongekido letalelepo.”
Mbela oto dulu okulundulula, ile okukansela etalelepo loye? Heeno. Finda opo pa shangwa “Tala, ile lundulula etalelepo.”
Ongahelipi ngeenge omafiku oo wa hala kaku na eetuura? Kala to tale konhele yetu yokointaneta. Otashi dulika u ka mone omhito eshi vamwe tava lundulula, ile tava kansele omatalelepo avo.
Eenhele dokutalela po
Opo hapa fikile ovaenda: Oto ka mona ouvidio ve na sha naasho hashi longwa koBetel nonghee oilonga yaBetel tai xumifa komesho elongelokalunga lashili.
Onhele yovaenda koshinyanyangido shi-2: Oto ka mona ouvidio tava ulike nghee sha fimana okutoloka nokunyanyangida oileshomwa momalaka oshidalelwamo. Oto ka mona yo omashina okupilinda. Oto ka mona yo opo edina laKalunga la holoka mOmbiibeli momalaka amwe omoshitukulwa shetu.
Onhele yovaenda koshinyanyangido shi-3: Oto ka mona onhele aishe yokupakela nokutuma oileshomwa, nouyelele kutya ohai tuminwa peni. Oto ka mona yo ouvidio tava ulike okutungwa kwOmalupale Ouhamba, okutumwa koileshomwa nosho yo nghee hatu nduluka ouvidio nokukwata omawi.
Ouyelele wa wedwa po: Ope na oubesa ovo hava tutu ovaenda pokati keenhele odo dokutalela po. Ovaenda otava dulu okuya konhele yokufuwila yovaenda nokulya omusha wavo.
Ondjukifi nonomola yongodi
1 Robert Broom Drive East
Rangeview
KRUGERSDORP
1739
SOUTH AFRICA
+27 11-761-1002