Omapulo e na sha neityo longhalamwenyo otashi dulika a pulwe meenghedi dihapu, ngaashi kutya Omolwashike tu lile kombada yedu? Ile, mbela ondi na ngoo elalakano monghalamwenyo? Ombiibeli oya popya kutya elalakano longhamenyo okupanga oukaume naKalunga. Natu ka taleni koitwa imwe ya fimana oyo tai hangwa mOmbiibeli.

•   Kalunga oye Omushiti wetu. Ombiibeli oya ti: ‘Kalunga oye e tu shita, ndele inatu lishita fye vene.’ — Epsalme 100:3; Ehololo 4:11.

•   Kalunga okwa shita keshe shimwe nelalakano, mwa kwatelwa nafye. — Jesaja 45:18.

•   Kalunga okwe tu shita twa ‘pumbwa ewiliko laye,’ olo la kwatela mo elalakano lokushiiva eityo longhalamwenyo. (Mateus 5:3) Okwa hala tu wanifilwe po omhumbwe oyo. — Epsalme 145:16.

•   Kalunga ohe tu wilike ngeenge twa pange oukaume naye. Nonande ovanhu vamwe ohava mono shidjuu okupanga oukaume naKalunga, Ombiibeli otai tu ladipika tai ti: “Eheneni popepi naKalunga, opo nee ota ka ehena popepi nanye.” — Jakob 4:8; 2:23.

•   Opo tu pange oukame naKalunga, otwa pumbwa okukala metwokumwe nelalakano laye li na sha novanhu. Ombiibeli oya popya shi na sha nelalakano olo mOmuudifi 12:13, oo ta ti: “Efina loinima aishe twe i uda oleli: Tila Kalunga u diinine oipango yaye. Osheshi omunhu keshe osho e nokuninga.”

•   Monakwiiwa, ohatu ka hafela onghalamwenyo pauyadi, eshi Kalunga ta ka wanifa po elalakano laye li na sha novanhu, ngeenge a xulifa po okumona oixuna nokupa ookaume kaye omwenyo waalushe, ovo have mu longele. — Epsalme 37:10, 11.