1 Ovakorinto 5:1-13
5 Onda uda kutya mokati keni omu na omulumenhu oo ha nangala nomukulukadi waxe. Ndele oluhaelo* la tya ngaho ihali ningwa nokuli nokovanhu vomoiwana.
2 Mbela omwa hafela oshinima osho? Mbela kamu na okukala mwa nyika oluhodi nokukonda mo omunhu oo ta longo oilonga ya tya ngaho mokati keni?
3 Nonande kandi li pamwe nanye palutu, pamhepo otu lyeni pamwe, nonda tokola nale omulumenhu oo ta longo oilonga oyo, nda fa ndi li punye.
4 Ngeenge mwa ongala pamwe medina lOmwene wetu Jesus nomu shi shii kutya ame ou nda pewa eenghono kOmwene Jesus ondi li pamwe nanye pamhepo,
5 omu na okuyandja omulumenhu oo kuSatana, opo ouhalu waye wopambelela u hanaunwe po, nomhepo yeongalo i amenwe mefiku lOmwene.
6 Elitango leni kaliwa. Mbela kamu shi shii kutya efulika linini otali dulu okufulika* olumbololo alishe?
7 Kufeni mo efulika likulu opo mu ninge olumbololo lipe inali ya efulika. Osheshi Kristus okwa yandja omwenyo waye u li eyambo, nokungaho okwa ninga odi yetu yOpaasa.
8 Onghee poshivilo osho tashi ka landula ko, katu na okulongifa efulika olo tali faneke owii noukolokoshi. Ndele otu na okulongifa omungome inau ya efulika oo tau faneke osho shiwa noshoshili.
9 Onde mu shangela monhumwafo ei mu efe po okweendafana novahaeli;*
10 itandi popi ovahaeli* ile ovanalwisho ile ovanyeki ile ovalongeli voikalunga vomounyuni ou. Osheshi ngeno ovo nda li handi popi, ngeno omu na okudja mo mounyuni.
11 Ndele ame onde mu shangela mu efe po okweendafana nakeshe oo ha ifanwa omumwaxo, ndele omuhaeli* ile omunalwisho ile omulongeli woikalunga ile omusheki* ile ongholwe ile omunyokomi. Omunhu a tya ngaho inamu lya naye nandenande.
12 Omolwashike ndi na okutokola ovo vopondje? Mbela omolwashike itamu tokola ovo vomeni
13 ofimbo Kalunga ta tokola ava vopondje? “Kondeni mo ou ta longo owii mokati keni.”
Eshangelo lopedu
^ MOshigreka, porneia. Tala omafatululo oitya.
^ Ile “okupifa.”
^ Tala omafatululo oitya, “Oluhaelo.”
^ Tala omafatululo oitya, “Oluhaelo.”
^ Tala omafatululo oitya, “Oluhaelo.”
^ Ile “oo ha popi omalaka mai.”
