Eimbiloelela laSalomo 6:1-13
6 “Omuholike woye okwa ya peni,Ove ou umuwa unene u dule ovakainhu aveshe?
Omuholike woye okwa ya nondjila ilipi?
Natu mu kongeni pamwe naave.”
2 “Omuholike wange okwa ya koshikunino shaye,Koshikunino shoimeno yedimba liwa,A ka life mokati koikunino,Nokutona eengala.
3 Ame ondomuholike wange,Nomuholike wange owange mwene.
Ota lifa mokati keengala.”
4 “Ove oumuwa wa fa Tirsa,* omuholike wange,Oumuwa wa fa Jerusalem,Wa wapala ngaashi omatangakwaita a dingilila omapandela ao.
5 Ino tala nge,Osheshi omesho oye otaa nane nge.
Eexwiki doye oda fa oufita woikombo,We lihanena koikulundudu yaGilead.
6 Omayoo oye okwa fa oufita weedi,Odo opo da koshwa,Odo adishe da dala epasha,Nokape na imwe ya kanifa okadjona kayo.
7 Ngaashi oshipambu shogranatiEemhanda* doye nado osho di li koshi yeluviluvi loye.
8 Otapa dulu okukala ovambada 60,Novakainhu vopomunghulo 80,Novakainhu ovanyasha itava dulu okuvalulwa.
9 Ashike umwe oye aeke onghuti yange, oo ehe na okapefili kasha.
Oo e holike kuina.
Oye e holike unene* kwaao e mu dala.
Oukadona ohave mu mono, nohava ti kutya okwa hafa;Ovambada novakainhu vopomunghulo ohave mu tange.
10 ‘Okakadona aka taka vilima* ngaashi eluwa tali tende oko lyelye,Kawa ngaashi omwedi wa tokeka,Ka yela ngaashi eenhe detangoKa wapala ngaashi omatangakwaita a dingilila omapandela ao?’”
11 “Onda ya koshikunino shomiti doiimatiNdi ka tale oimeno oyo opo ya mene mefilu,Ndi tale ngeenge omindjebele oda twapuka,*Ngeenge omigranati oda temuna.
12 Ohaluka,Omahalo ange* okwa tula ngePomatemba omalenga* etu.
13 Aluka, aluka Okasulamit!
Aluka, aluka,Opo tu ku tale!”
“Omolwashike tamu tale kOkasulamit?”
“Oka fa eengudu mbali tadi ndanisa!”*
Eshangelo lopedu
^ Ile “Oshilando shiwa.”
^ Ile “Eembadu.”
^ Eln., “a koshoka.”
^ Eln., “tale pedu.”
^ Ile “tutuma.”
^ Ile “Omwenyo wange.”
^ Ile “ovanhu vange ovo hava yakula nehalo liwa.”
^ Ile “ondanisa yaMahanaim.”
