Eimbiloelela laSalomo 7:1-13
7 “Eemhadi doye oda wapala ngahelipi meenghaku doye,Ove omonakadona womufimanekwa!
Eenhumba domatundji* oye oda ngolonga nawa da fa oumanya,Oilonga yomake onghulungu.
2 Ekoto loye olo okayaxa komufima.
Naka kale alushe ke na omaviinyu a lumbakanifwa.
Edimo loye olo onduba yoilya yo-wheat,Ya dingililwa keengala.
3 Omavele oye okwa fa oumenye vavali,Epasha lomenye.
4 Ofingo yoye oi li ngaashi oshungongulu yomayoo eendjaba.
Omesho oye oku li ngaashi omatale e li muHesbon,Poshivelo shaBat-rabbim.
Eyulu loye oli li ngaashi oshungongulu yaLibanon,Oyo ya taalela kuDamaskus.
5 Oho yelula omutwe woye pombada, ngaashi Karmel,Nomapando eexwiki doye* okwa fa olududi leedi lopeepela.
Ohamba oya fuulwa* kokweendjelela kwomapando.
6 Oumuwa ngahelipi, nowa wapala ngahelipi,Ove okakadona okaholike, u dule oinima aishe iwa!
7 Ofika yoye oya fa yomulunga,Nomavele oye oku li ngaashi omashila omadakala.*
8 Onda ti, ‘Ohandi londo komulungaNdi kufe ko omashila oiimati.’
Omavele oye naa kale ngaashi omashila omandjebele,Omufudo woye ongaashi edimba lomaapula,
9 Nokanya* koye ongaashi omaviinyu a denga mbada.”
“Naa endele po nawa omuholike wange,Naa kunguluke nawa komilungu daavo va kofa.
10 Ame ondomuholike wange,Nokwa halelela nge.
11 Omuholike wange, ila;Natu ye moixwa;Natu ka kale mokati koimeno yoHenna.
12 Natu penduke ongula, ndele hatu i koikunino yomandjebele,Tu ka tale ngeenge omindjebele oda twapuka,*Ngeenge eenhemo oda sheneka,Ngeenge omigranati oda temuna.
Oko, oko handi ke ku ulikila kutya ondi ku hole.
13 Oiimati* otai nyika nawa;Pomivelo detu ope na oiimati ya denga mbada yomaludi aeshe,
Ipe naayo ikulu.Omuholike wange, onda kala nde i ku tuvikilila.
Eshangelo lopedu
^ Ile “Omafiga.”
^ Eln., “Nomutwe woye.”
^ Ile “mangwa.”
^ Ile “oma-date.”
^ Eln., “Noshihokohoko.”
^ Ile “tutuma.”
^ “Ovakainhu ova li hava li oiimati yoshimeno osho (sho-mandrake), molwaashi ova li hava diladila kutya otai va kwafele va dale ounona.”
