Job 14:1-22
14 “Omunhu a dalwa komukainhuOha kala ko efimbo lixupi, noku yadi oupyakadi.*
2 Ohe uya po ngaashi ongala, opo nee ta lembe;*Oha vilola po ngaashi omudidimbe noha kana po.
3 Heeno, owe mu dakamena omesho oye,Nowe mu* eta komhangu, opo a pangulwe.
4 Olyelye ta dulu okukufa omunhu a koshoka momunhu ina koshoka?
Kape na oo ta dulu.
5 Ngeenge omafiku aye okwa tokolwa,Omuvalu weemwedi daye ou di shii;Owe mu tulila po ongaba, oyo ita dulu okukoyelela.
6 Alula ko omesho oye kuye, opo a dule okufuda po,Fiyo osheshi a mana ko efiku laye, ngaashi omunailonga oo a kutwa.
7 Osheshi nokuli nomuti ou na eteelelo.
Ngeenge owa tetwa po, otau ka twiyuka vali,Noitai, oyo ya twiyuka, otai ka twikila okukula.
8 Ngeenge omidi dao oda kulupile medu,Noshifidi shao osha file medu,
9 Otau ka twiyuka koututo womeva;Notau ka kala u na oitai ngaashi oshimeno opo sha mene.
10 Ashike omunhu oha fi, noiha kala vali e na eenghono;Ngeenge okwa fi, oha i peni?
11 Omeva ohaa di mo mefuta,Nomilonga ohadi pwiinine nokukukuta.
12 Ovanhu navo ohava nangala, ndele itava penduka.
Fiyo osheshi eulu lihe po vali, itava penduka,Noitava pendulwa mo meemhofi davo.
13 Akutu, ngeno ou holeke nge mOmbila,*Ngeno ou holeke nge, fiyo ehandu loye la lota,U tulile nge po efimbo lonhumba nokudimbulukwa nge!
14 Ngeenge omunhu okwa fi, ota dulu ngoo vali okukala nomwenyo?
Ohandi ka teelela omafiku aeshe oupika wange,Fiyo nda mangululwa.
15 Oto ka ifana, nohandi ke ku nyamukula.
Owa djuulukwa* oshilonga shomake oye.
16 Ndele paife, oto twikile okuvalula omanha ange aeshe;Oho tale ashike omanyono ange.
17 Omatauluko ange okwa mangelwa mekutu,Nomapuko ange owe a fila nongha.*
18 Ngaashi omhunda hai u, nohai mbonyouka po,Nemanya ohali di po ponhele yalo,
19 Ngaashi omeva taa kungulula po omamanya,Noshikungulu shao tashi kungulula po edu,Naave osho wa hanauna po eteelelo lomunhu wongaho.
20 Owa twikila oku mu finda, fiyo osheshi a xula po;Owa lundulula eholokepo laye, nowe mu lekela a ye.
21 Ovana vaye ova fimanekwa, ashike ke shi shii;Ova ninipikwa, ndele ine shi didilika.
22 Oha udu ashike ouyehame, ofimbo e li mombelela yaye;Oha* kala ashike a nyika oluhodi, ofimbo e li natango momwenyo.”
Eshangelo lopedu
^ Ile “nokwa wililwa po koudjuu.”
^ Ile tashi dulika, “nokutetwa po.”
^ Eln., “ame.”
^ Sha hala okutya, kOufi. Tala Omafatululo oitya.
^ Ile “halelela.”
^ Ile “no-glue.”
^ Ile “Omwenyo waye.”
