Job 20:1-29
20 Sofar, Omunaamati, okwa nyamukula, a ti:
2 “Eshi osho sha piyaaneka omadiladilo ange, opo ndi nyamukule,Molwaashi onda nyemata.
3 Onda uda handi tukwa, eshi handi pukululwa;Osho nda uda* oshe linyengifa nge ndi nyamukule.
4 Owa li u na okukala u shii filufilu oshinima eshi,Molwaashi osho sha kala ngaho, okudja eshi omunhu* a tulwa kombada yedu,
5 Kutya ehafo linene lomukolokoshi olixupi,Nokunyakukwa kwomuhenakalunga* okwopakafimbo.
6 Nonande efimano laye ola fiki keulu,Nomutwe waye owa tu koilemo,
7 Ota kana po fiyo alushe, ngaashi ashike omatudi aye mwene;Ovo va li have mu mono otava ka tya, ‘Oku li peni?’
8 Ota ka dimbiwa ngaashi ondjodi, noitave ke mu mona vali;Ota ka vilolifwa po, ngaashi emoniko loufiku.
9 Omesho oo e mu monene itae ke mu mona vali,Nomonhele yaye ita ka monika mo vali.
10 Ovana vaye mwene otava ka konga ekwafo keehepele,Nomake aye mwene otaa ka shunifa oupuna waye.
11 Omakipa aye okwa li e yadi eenghono dounyasha,Ashike otadi* ka nangala pamwe naye mondwi yongaho.
12 Ngeenge osho shii oshinyenye mokanya kaye,Ngeenge okwe shi holeke koshi yelaka laye,
13 Ngeenge okwe shi makele noine shi fiila shi,Ashike okwe shi djaata mokanya kaye,
14 Oikulya yaye otai ka ninga ilula meni laye;Otai ka kala ngaashi oudiyo* wongolonyoka muye.
15 Okwa pona oupuna, ashike ote ke u kunga mo;Kalunga ote ke u yeleka mo medimo laye.
16 Ota ka fipa oudiyo wongolonyoka;Omayoo* euta otae ke mu dipaa.
17 Ita ka mona nande omakungulukilo omeva,Omakungulukilo omaadi eenyiki nosho yo ombuta.
18 Ota ka shunifa oinima yaye nopehe na oku i lya;*Ita ka hafela oupuna, oo wa dja mongeshefa yaye.
19 Osheshi okwa nyanyaula nokwe liteeka eehepele;Okwa nyeka ko eumbo, olo ina tunga.
20 Ashike ota kala ehe udite ombili muye mwene;Oupuna waye itau mu kwafele a ye onhapo.
21 Kape na osho sha xupa po, opo e shi xwake po;Nomolwaasho oupuna waye itau kalelele.
22 Ngeenge oupuna waye owa hapupala neenghono, oshisho otashi mu wilile po;Oinima aishe ii otai mu hange.
23 Eshi ta kutifa edimo laye,Kalunga* ote ke mu handukila neenghono,Te li lokifile momandjadja aye.
24 Ngeenge ta faduka po oilwifo yoshivela shilaula,Oikuti ya dja kouta wongopolo otai ke mu tyuula.
25 Ota nane mo oshikuti mombuda yaye,Oshilwifo tashi vema monyango yaye,Nota kwatwa koumbada.
26 Omamona aye okwa tuvikililwa omilaulu fokofoko;Omundilo, oo pehe na ou e u pepela, otau ke mu lungwinifa po;Oupyakadi otau ka hanga keshe oo a xupa po metwali laye.
27 Eulu otali ka holola omanyono aye;Edu otali ke mu pilukila po.
28 Efundja otali ka kungulula po eumbo laye;Otali ka kala oshikungulu shinene mefiku lehandu laKalunga.*
29 Oyo ondjabi yomukolokoshi ya dja kuKalunga,Efyuululo olo Kalunga a tokola oku mu pa.”
Eshangelo lopedu
^ Eln., “Omhepo ya dja meudeko lange.”
^ Ile “ovanhu; Adam.”
^ Ile “kwomushunimonima.”
^ Sha hala okutya, eenghono daye.
^ Ile “onyango.”
^ Eln., “Elaka.”
^ Eln., “noita ka pona.”
^ Eln., “Ye.”
^ Eln., “laye.”
