Josua 12:1-24
12 Edi eehamba odo Ovaisrael va finda, nova kufa ko edu lado kombinga yokoushilo womulonga waJordan, okudja kEfilu laArnon fiyo okomhunda yaHermon nosho yo Araba ashishe kombinga yokoushilo:
2 Sihon, Ohamba yOvaamori, oo a li ha di muHesbon, nokwa pangela okudja muAroer, osho sha li komukunghulo wEfilu laArnon, nokudja pokati kefilu netata laGilead fiyo okEfilu laJabbok, peengaba dOvaammoni.
3 Okwa pangela yo muAraba fiyo okefuta laKinneret,* koushilo, nafiyo okefuta laAraba, Efuta lOmongwa,* koushilo, kombinga yaBet-jesimot, nosho yo fiyo okolukadi fiyo omomalufilu aPisga.
4 Okwa pangela yo moshitukulwa shaOg, ohamba yaBasan, oo a li a xupa po mOvarefaim; okwa kala ha di muAstarot nomuEdrei
5 nokwa pangela komhunda yaHermon, muSalka nosho yo muBasan ashishe, fiyo okeengaba dOvagesur, dOvamaakati nosho yo detata laGilead, fiyo okoshitukulwa shaSihon, ohamba yaHesbon.
6 Moses, omupiya waJehova, nosho yo Ovaisrael ove di finda. Konima yaasho, Moses omupiya waJehova okwa yandja edu lado li li emona kOvaruben, kOvagad nosho yo ketata lepata laManasse.
7 Edi eehamba domedu olo Josua nosho yo Ovaisrael va finda kombinga yokouninginino womulonga waJordan, okudja kuBaal-gad, osho shi li mefilu laLibanon, fiyo okomhunda yaHalak, oyo ya ya fiyo okuSeir, konima eshi Josua a yandja edu lado komapata Ovaisrael li li efyuululo, she likolelela koitukulwa yavo,
8 koshitukulwa shokeemhunda, muShefela, muAraba, momalufilu, mombuwa nokuNegeb, edu lOvaheti, lOvaamori, lOvakaanan, lOvaperesi, lOvahevi nolOvajebusi:
9 Ohamba yaJeriko imwe; ohamba yaAi, oyo ya li popepi naBetel, imwe;
10 ohamba yaJerusalem imwe; ohamba yaHebron imwe;
11 ohamba yaJarmut imwe; ohamba yaLakis imwe;
12 ohamba yaEglon imwe; ohamba yaGeser, imwe;
13 ohamba yaDebir imwe; ohamba yaGeder imwe;
14 ohamba yaHorma imwe; ohamba yaArad imwe;
15 ohamba yaLibna imwe; ohamba yaAdullam imwe;
16 ohamba yaMakkeda imwe; ohamba yaBetel imwe;
17 ohamba yaTappua imwe; ohamba yaHefer imwe;
18 ohamba yaAfek imwe; ohamba yaLassaron imwe;
19 ohamba yaMadon imwe; ohamba yaHaso imwe;
20 ohamba yaSimron-meron imwe; ohamba yaAksaf imwe;
21 ohamba yaTaanak imwe; ohamba yaMegiddo imwe;
22 ohamba yaKedes imwe; ohamba yaJokneam, oyo i li muKarmel, imwe;
23 ohamba yaDor, oyo i li momalufilu aDor, imwe; ohamba yaGoim, oyo i li muGilgal, imwe;
24 ohamba yaTirsa imwe; eehamba adishe kumwe 31.
Eshangelo lopedu
^ Sha hala okutya, etale laGenesaret, ile Efuta laGalilea.
^ Sha hala okutya, Efuta la Fya.
