Nehemia 11:1-36
-
Ovanhu tava hapupala vali muJerusalem (1-36)
11 Omalenga oshiwana okwa li haa di muJerusalem; ovanhu aveshe ova li va umba oshihoololifo, opo va ete omunhu umwe womovanhu omulongo keshe e uye a kale ha di muJerusalem, oshilando shiyapuki, ofimbo vakwao omuwoi tava kala moilando ikwao.
2 Kakele kaasho, ovanhu ova nangeka noupuna ovalumenhu aveshe, ovo ve liyamba va kale hava di muJerusalem.
3 Ava ovo ovalumenhu va fimanekwa moitukulwalongo, ovo va li hava di muJerusalem. (Ovaisrael aveshe, ovapristeri, Ovalevi, ovapiya votembeli* novanamati vovapiya vaSalomo ova li hava kala moilando ikwao yaJuda, keshe umwe monhele yaye moshilando shavo.
4 Natango, muJerusalem omwa li hamu di ovanhu vamwe vomepata laJuda nolaBenjamin.) Ovanhu vomepata laJuda ova li: Ataia, omonamati waUssia, omonamati waSakaria, omonamati waAmaria, omonamati waSefatia, omonamati waMahalalel, womovanamati vaPeres
5 nosho yo Maasea, omonamati waBaruk, omonamati waKolhose, omonamati waHasaia, omonamati waAdaja, omonamati waJojarib, omonamati waSakaria, womoludalo laShela.
6 Ovanamati aveshe vaPeres, ovo va li hava di muJerusalem, ova li ovalumenhu ovanaenghono 468.
7 Ava ovo ovanhu vomepata laBenjamin: Sallu, omonamati waMesullam, omonamati waJoed, omonamati waPedaia, omonamati waKolaja, omonamati waMaasea, omonamati waItiel, omonamati waJesaja.
8 Kakele kuSallu, opa li yo Gabbai naSallai, 928,
9 na Joel, omonamati waSikri, okwa li omupashukili wavo, na Juda, omonamati waHassenua, okwa li omupashukili omutivali woshilando.
10 Movapristeri: Jedaia, omonamati waJojarib, Jakin,
11 Seraja, omonamati waHilkia, omonamati waMesullam, omonamati waSadok, omonamati waMeraiot, omonamati waAhitub, omuwiliki womeumbo* laKalunga kashili,
12 novamwaina ovo va longa oilonga yomeumbo, 822. Adaja, omonamati waJeroham, omonamati waPelalia, omonamati waAmsi, omonamati waSakaria, omonamati waPashur, omonamati waMalkia,
13 novamwaina, omitwe domaukwaneumbo omapata, 242. Amasai, omonamati waAsareel, omonamati waAksai, omonamati waMesillemot, omonamati waImmer,
14 novamwaina, ovo va li ovalumenhu ovanaenghono novaladi, 128. Omupashukili wavo okwa li Sabdiel, oshilyo shoukwaneumbo, oo wa fimanekwa.
15 MOvalevi: Shemaia, omonamati waHassub, omonamati waAsrikam, omonamati waHashabia, omonamati waBunni,
16 naSabbetai nosho yo Josabad, omitwe dOvalevi, ovo va li hava pashukile oilonga, oyo tai longwa kondje yeumbo laKalunga kashili.
17 Mattania, omonamati waMika, omonamati waSabdi, omonamati waAsaf, oo a li ha kwatele komesho olwiimbo nosho yo omahambelelo pefimbo leilikano, naBakbukia, oo omutivali movamwaina, nosho yo Abda, omonamati waShammua, omonamati waGalal, omonamati waJedutun.
18 Ovalevi aveshe, ovo va li moshilando shiyapuki, ova li 284.
19 Ovapashukili vopoivelo ova li Akkub, Talmon novamwaina, ovo va li hava kala va nangela poivelo, 172.
20 Ovaisrael aveshe, ovapristeri nOvalevi ova li moilando ikwao aishe yaJuda, keshe umwe e li ponhele yaye, oyo a fyuulula.*
21 Ovapiya votembeli* ova li hava di muOfel, na Siha nosho yo Gispa ova li hava pashukile ovapiya votembeli.*
22 Omupashukili wOvalevi muJerusalem okwa li Ussi, omonamati waBani, omonamati waHashabia, omonamati waMattania, omonamati waMikka, womovanamati vaAsaf, ovaimbi. Okwa li ha pashukile oilonga yomeumbo laKalunga kashili.
23 Ohamba oya li ya yandja elombwelo kutya eemhumbwe dakeshe efiku dovaimbi odi na okuwanifwa po.
24 Petahja, omonamati waMesesabel, womovanamati vaSera, omonamati waJuda, okwa li omuyandjimayele wohamba* moshinima keshe shi na sha novanhu.
25 Apa otapa shikula omikunda nomapya ado; ovanhu vamwe vomuJuda ova li hava di muKiriat-arba nomeedoolopa dasho,* muDibon nomeedoolopa dasho, muJekabseel nomikunda dasho,
26 muJesua, muMolada, muBet-pelet,
27 muHasar-sual, muBer-seba needoolopa dasho,*
28 muSiklag, muMegona needoolopa dasho,*
29 muEn-rimmon, muSora nomuJarmut,
30 muSanoa, muAdullam nomikunda dasho, muLakis nomapya asho nomuAseka needoolopa dasho.* Ova kala* hava di muBer-seba fiyo okEfilu laHinnom.
31 Ovanhu vomepata laBenjamin ova li muGeba, muMikmas, muAiya, muBetel needoolopa dasho,*
32 muAnatot, muNob, muAnania,
33 muHasor, muRama, muGittaim,
34 muHadid, muSeboim, muNeballat,
35 muLod nomuOno, efilu lovahambwidi.
36 Oshitukulwa shimwe shepata lOvalevi, ovo va li muJuda, osha li moshitukulwa shaBenjamin.
Eshangelo lopedu
^ Ile “Ovanefinim.” Eln., “ovo va yandjwa.”
^ Ile “wotembeli.”
^ Ile “pefyuululo laye mwene.”
^ Ile “Ovanefinim.” Eln., “ovo va yandjwa.”
^ Ile “Ovanefinim.” Eln., “ovo va yandjwa.”
^ Eln., “okwa li meke lohamba.”
^ Ile “odo de shi dingilila.”
^ Ile “odo de shi dingilila.”
^ Ile “odo de shi dingilila.”
^ Ile “odo de shi dingilila.”
^ Ile “onga onhanda.”
^ Ile “odo de shi dingilila.”
