Omapsalme 1:1-6
1 Omunhu, oo a hafa, oye oo iha ende she likolelela komayele ovakolokoshi,Noiha kala ofika mondjila yovalunde,Noiha kala omutumba pamwe novasheki.
2 Ashike oku hole neenghono omhango yaJehova,Noha lesha omhango yaYe nondaka yopedu* omutenya noufiku.
3 Ota ka kala ngaashi omuti wa twikwa pomatondokelo omeva,Omuti oo hau imi oiimati pefimbo lao,Omafo ao ihaa lembe.
Nota ka pondola mukeshe osho ta ningi.
4 Ovakolokoshi hasho ve li ngaho;Ova fa olungu olo hali pepwa po komhepo.
5 Nomolwaasho ovakolokoshi itava ka kala va fikama petokolo;Novalunde itava ka kala va fikama mongudu yovayuki.
6 Osheshi Jehova oku shii filufilu ondjila yovayuki,Ndele ondjila yovakolokoshi otai ka xula po.
Eshangelo lopedu
^ Ile “dilonga kombinga yomhango yaYe.”
