Omapsalme 10:1-18
ל [Lamed]
10 Omwene Jehova, omolwashike ho fikama kokule?
Omolwashike ho hondama pefimbo loudjuu?
2 Omukolokoshi ota taataa nelinenepeko oo ehe na ekwafo,Ashike omhangela oyo a pangela otai mu pilukile po.
3 Osheshi omukolokoshi ohe litangele omahalo aye okuliholamwene,*Noha nangeke noupuna omunalwisho;*נ [Nun]Ina fimaneka Jehova.
4 Mokulinenepeka kwaye, omukolokoshi iha ningi omapekaapeko;Alushe momadiladilo aye oha ti: “Kaku na Kalunga.”
5 Oha pondola meendjila daye,Ashike omatokolo oye oku dule kokule eendunge daye;Oha sheke* ovatondi vaye aveshe.
6 Ohe lipopile momutima waye ta ti: “Itandi tengauka nandenande;*Okudja kepupi fiyo okepupi,Itandi hangwa koupyakadi nandenande.”
פ [Pe]
7 Okanya kaye oke yadi omafingo, oipupulu nomatilifo;Koshi yelaka laye oku na oudjuu noshiponga.
8 Oha kala a nangela popepi nomikunda;Oha di opo a hondama a dipae oo ehe na etimba.
ע [Ayin]
Omesho aye otaa tale oshihakanwa.
9 Oha teelele monhele yaye yokuhondama, ngaashi onghoshi i li mengade layo.*
Oha teelele okukwata oo ehe na ekwafo.
Oha kwata oo ehe na ekwafo, ngeenge a nane onete yaye.
10 Oshihakanwa osha nyanyaulwa, nosha wila pedu;Ovo va ninga oihakanwa ova wila momake* aye.
11 Ohe lipopile momutima waye ta ti: “Kalunga okwa dimbwa.
Okwa pilamenifa ko oshipala shaye.
Iha didilike sha nande.”
ק [Kof]
12 Omwene Jehova, fikama. Omwene Kalunga, yelula eke loye.
Ino dimbwa ovo vehe na ekwafo.
13 Omolwashike omukolokoshi ina fimaneka Kalunga?
Ohe lipopile momutima waye ta ti: “Ito ka tokola nge.”
ר [Res]
14 Ashike ou wete oupyakadi nosho yo oudjuu.
Oho u tale, ndele to katuka onghatu.
Ovo va ninga oihakanwa ohava kongo ekwafo kwoove;Oove omukwafi wokaana, oko kehe na xe.*
ש [Shin]
15 Teyaula okwooko kwomukolokoshi nokwomunawii,Opo ngeenge to ka konga oukolokoshi waye,Ito ke u mona vali.
16 Jehova Ohamba alushe fiyo alushe.
Oiwana oya xula ko kombada yedu.
ת [Taw]
17 Ashike, Omwene Jehova, oto ka uda eindilo lovalidiiniki.*
Oto ka pameka omitima davo, noto ka yandja elitulemo filufilu kuvo.
18 Oto ka ungaunga pauyuki naavo vehe na ooxe nosho yo ovo va nyanyaulwa,Opo omunhu oo ehe kwete okufya, wokombada yedu, ehe va tilife vali.
Eshangelo lopedu
^ Ile “ehalo lomwenyo waye.”
^ Ile tashi dulika, “Omunalwisho ohe linangeke noupuna ye mwene.”
^ Ile “dini.”
^ Ile “Itandi pungauka nandenande (funga).”
^ Ile “poima pa fita.”
^ Ile “momakasha a pama.”
^ Ile “wofiye.”
^ Ile “lovalininipiki.”
