Omapsalme 103:1-22
Epsalme laDavid
103 Nandi* tange Jehova;Keshe shimwe osho shi li mwaame nashi tange edina laye liyapuki.
2 Nandi* tange Jehova;Inandi dimbwa nandenande ashishe osho a ninga.
3 Ota dimi po omapuko oye aesheNota velula omauyahame oye aeshe;
4 Ota xupifa omwenyo woye melambo*Nohe ku dike ohole yaye i na oudiinini nosho yo onghenda, ngaashi oshikoroni.
5 Ote ku kutifa noinima iwa onghalamwenyo yoye aishe,Opo u nyashuke, ngaashi onhwa.
6 Jehova oha katuka sha yuka noha tokola pauyukiOmolwaaveshe ovo tava fininikwa.
7 Okwa shiivifa Moses eendjila daye,Oilonga yaye kovanamati vaIsrael.
8 Jehova omunanghenda nomunalukeno,*Iha handuka diva, noku na filufilu ohole i na oudiinini.*
9 Iha kongo alushe omapuko,Noiha kwata onghone fiyo alushe.
10 Iha ungaunga nafye she likolelela komatimba etu,Noihe tu alulile shi fike pomapuko etu.
11 Osheshi ngaashi ashike eulu li li pombada li dule edu,Nohole yaye i na oudiinini, oyo ha ulikile ovo have mu tila, oinene.
12 Ngaashi ashike oushilo u li kokule nouninginino,Osho naye ha ehenifa omanyono etu kokule nafye.
13 Ngaashi ashike xe ta file onghenda ovanamati vaye,Jehova oha file onghenda ovo have mu tila.
14 Osheshi oku shii nawa oshitwe yetu;Ota dimbuluka kutya fye ondwi yedu.
15 Ashike omunhu oo ehe kwete okufya, omafiku aye oku li ngaashi oo omwiidi;Oha hape ngaashi ongala yomoixwa.
16 Ashike ngeenge omhepo oya pepe, ihai kala po vali,Ya fa yaha li po nandenande.*
17 Ndele ohole yaJehova i na oudiinini oyaalushelushe*Kwaavo have mu tila,Nouyuki waye otau kalelele fiyo okovana vovana vavo,
18 Kwaavo hava diinine ehangano laye,Nokwaavo hava dulika filufilu komalombwelo aye.
19 Jehova okwa dika po olukalwapangelo laye la pamenena meulu;Nota pangele oinima aishe e li Ohamba.
20 Tangeni Jehova, nye ovaengeli vaye amushe, ovo mu na eenghono dinene,Ovo hamu wanifa po ondjovo yaye; hamu dulika kondaka yaye.*
21 Tangeni Jehova, omatangakwaita aye amushe,Ovayakuli vaye, ovo hamu longo ehalo laye.
22 Tangeni Jehova, oilonga yaye aishe,Meenhele adishe omo ta pangele.*
Ounhu wange aushe* nau tange Jehova.
Eshangelo lopedu
^ Ile “Omwenyo wange.”
^ Ile “Omwenyo wange.”
^ Ile “mombila.”
^ Ile “noku na onghedi iwa.”
^ Ile “ouwanghenda.”
^ Eln., “Nonhele yayo ihai i shiiva vali.”
^ Ile “oya dja nale notai kala po fiyo alushe.”
^ Eln., “hamu udu ondaka (ewi) londjovo yaye.”
^ Ile “Meenhele dounamapangelo waye.”
^ Ile “Omwenyo wange.”
