Omapsalme 104:1-35
104 Nandi* tange Jehova.
Omwene Jehova, Kalunga kange, oumunene neenghono.
Owa djala etumbalo* nosho yo oshinge.
2 Owa tonyenwa mouyelele, ngaashi moshikutu;Owa nyanununa eulu, ngaashi elapi letwali.
3 Okwa yala omitengi deenduda daye dopombada momeva opombada,*Oilemo okwe i ninga etemba laye,Ta ende komavava omhepo.
4 Oha ningi ovaengeli* vaye va kale ovanaenghono,Ovayakuli vaye va kale onga omundilo tau lungwinifa.
5 Okwa tungila edu komakanghameno alo;Itali ka kufwa po ponhele yalo* alushe fiyo alushe.
6 Owa li we li uvika nomeva male, ngaashi noshikutu.
Omeva okwa li a koyelela eemhunda.
7 Eshi we a hanyena, okwa ya onhapo;Okwa ya onhapo a tila omolwewi lomungungumo woye;
8 Eemhunda oda londa, nomalufilu okwa filukilaKonhele oko we i dikila.
9 Owa tula po ongaba, oyo ehe na okutauluka,Opo aha uvike vali edu nandenande.
10 Oha tumu eefifiya momalufilu;Ohadi kunguluka pokati keemhunda.
11 Ohadi yandje omeva koifitukuti aishe yomoixwa;Ohadi denge po enota leendongi.*
12 Eedila dokeulu oko hadi kala kombada yado;Ohadi imbi di li momafo a fita.
13 Oha tutike eemhunda nomeva okudja meenduda daye dopombada.
Edu ola wanenwa koiimati yoilonga yaye.
14 Oha menifile eengobe omwiidi,Nosho yo oimeno italala i longifwe kovanhu,A menife oikulya okudja medu,
15 Nomaviinyu, oo haa hafifa omutima wovanhu,Omaadi, oo haa vemifa oshipala,Nomungome, oo hau kutifa omutima womunhu oo ehe kwete okufya.
16 Omiti daJehova oda wanenwa,Omisederi dokuLibanon odo a twika,
17 Omo oudila hava tungile oihadi.
Eumbo lexuwashi oli li momiti domidjenipa.
18 Eemhunda dile odoikombo yokeemhunda;Omamanya oku li eameno louhelemani.
19 Okwa shita omwedi u didilike omafimbo;Etango oli shii nawa kutya oli na okuningina efimbo peni.
20 Oho eta omilaulu, noufiku ohau uya,Eshi oinamwenyo aishe yomoixwa hai kala tai endaenda.
21 Eenghoshi deenyasha* ohadi kumbile oshihakanwa shado,Nohadi kongo oikulya yado kuKalunga.
22 Ngeenge etango la piti,Ohadi shuna noku ka nangala momakololo ado.
23 Omunhu oha i koilonga yaye,Noha longo fiyo okonguloshi.
24 Omwene Jehova, oilonga yoye oi fike peni!
Aishe owe i shita nounongo.
Edu oli yadi osho wa shita.
25 Ope na efuta linenenene, nola mbwalangadja,Li yadi ndoo oinima i na omwenyo, inini naayo ya kula, itai dulu okuvalulwa.
26 Ohamu ende eeskepa,Na Leviatan,* oo wa shita, a danaukile mulo.
27 Aishe oye ku teelela,Opo u i pe oikulya pefimbo la wapala.
28 Osho ho i pe ohai shi ongele.
Ngeenge wa kamutulula eke loye, ohai kutifwa koinima iwa.
29 Ngeenge wa holeke oshipala shoye, ohai tila.
Ngeenge owa kufa po omhepo yayo, ohai fi nokushuna mondwi yedu.
30 Ngeenge wa tumu omhepo yoye, ohai shitwa,Noinima aishe kombada yedu, oho i ningi ipe.
31 Oshinge shaJehova otashi kala po fiyo alushe.
Jehova ota ka hafela oilonga yaye.
32 Oha tale edu, nohali kakama;Oha kumu eemhunda, nohadi di omwifi.
33 Ohandi imbile Jehova onghalamwenyo yange aishe;Kalunga kange, ohandi ku imbile omaimbilohambelelo,* ofimbo ndi na omwenyo.
34 Omadiladilo ange nae mu hafife.*
Ohandi hafe omolwaJehova.
35 Ovalunde otava ka kombwa ko kombada yedu,Novakolokoshi itava ka kala ko vali.
Nandi* tange Jehova. Tangeni Jah!*
Eshangelo lopedu
^ Ile “Omwenyo wange.”
^ lle “efimano.”
^ Eln., “momeva.”
^ Ile “oishitwa yopamhepo.”
^ Ile “ka funga.”
^ Ile “leendongi domoixwa.” Eendongi doludi olo ihadi munwa nohadi kala moixwa.
^ Ile “Eenghoshi deendume eenyasha.”
^ Tala Omafatululo oitya.
^ Ile “shikile omusika.”
^ Ile tashi dulika, “Okudilonga kwange kombinga yaye naku mu hafife.”
^ Ile “Omwenyo wange.”
^ Ile “Halleluya!” “Jah” exupipiko ledina Jehova.
