Omapsalme 105:1-45
-
Oilonga yaJehova youdiinini oyo a longela oshiwana shaye
105 Panduleni Jehova, ifaneni edina laye,Shiivifeni oilonga yaye mokati kovanhu!
2 Mu imbileni, mu imbileni omaimbilohambelelo,*Dilongeni kombinga* yoilonga yaye aishe iwa.
3 Litangeleni edina laye liyapuki.
Omitima daavo tava kongo Jehova nadi nyakukwe.
4 Kongeni Jehova nosho yo eenghono daye.
Kongeni alushe oshipala* shaye.
5 Dimbulukeni oilonga iwa oyo a longa,Oikumwifilonga yaye nomatokolo oo a ninga,
6 Nye oludalo laAbraham, omupiya waye,Nye ovanamati vaJakob, ovahoololwa vaye.
7 Oye Jehova, Kalunga ketu.
Omatokolo aye oku li kombada yedu alishe.
8 Oha dimbuluka alushe ehangano laye,Eudaneko, olo a udanekela* omapupi omayovi,
9 Ehangano, olo a ninga naAbraham,Neano, olo a anena Isak,
10 Olo a tula po li li oshipango kuJakob,Noli li ehangano laalushe kuIsrael,
11 A ti: “Ohandi ke ku pa edu laKaananLi li efyuululo, olo wa pewa pashihoololifo.”
12 Osho osha ningwa, eshi va li vanini momuvalu,Heeno, vanini neenghono, nova li ovanailongo medu olo.
13 Ova enda okudja koshiwana shimwe fiyo okoshiwana shikwao,Okudja kouhamba umwe fiyo okouhamba mukwao.
14 Ina efa nande omunhu e va fininike,Ashike okwa hanyena eehamba omolwavo,
15 A ti: “Inamu kuma ovavaekwa vange,Noinamu ningila owii ovaprofeti vange.”
16 Okwa tuma ondjala moshilongo;Okwa xulifa po odjo yomungome wavo.*
17 Okwa tuma omulumenhu e va tetekele,Josef, oo a li a landifwa po a ninge omupika.
18 Eemhadi daye ove di manga* nomalyenge;Ofingo yaye oya li ya tulwa moivela ilaula,*
19 Fiyo efimbo olo ondjovo yaye ya wanifwa,Elombwelo laJehova olo le mu koshola.
20 Ohamba oya tuma a mangululwe mo,Omupangeli woshiwana okwe mu mangululifa mo.
21 Okwe mu ninga omwene wovaneumbo laye,Omupangeli woinima yaye aishe,
22 A pangele* omalenga aye, ngaashi a hala,*Noku honge ovakulunhu vaye ounongo.
23 Opo nee Israel okwe uya muEgipiti,Na Jakob okwa kala e li omunailongo medu laHam.
24 Kalunga okwa hapupalifa oshiwana shaye neenghono;Okwe shi ninga oshinaenghono elela shi dule ovatondi vasho,
25 Ovo a efa omitima davo di tonde oshiwana shaye,Va pangelele omhangela ii ovapiya vaye.
26 Okwa tuma omupiya waye, Moses,Nosho yo Aron, oo a hoolola.
27 Ova longa oikumwifilonga yaye mokati kavo,Omadidiliko aye medu laHam.
28 Okwa tuma omilaulu, nedu ola ninga omilaulu;Inava tukululila oshibofa eendjovo daye.
29 Okwa lundululila omeva avo mohonde,Nokwa dipaa eeshi davo.
30 Edu lavo ola yada omafuma,Nokuli nomeenduda domombala.
31 Okwa lombwela omawashe e uye moshitukulwa shavoNosho yo eemwe* di uye moitukulwa yavo aishe.
32 Okwa shitukifa odula yavo eemhawe,Nokwa tuma oushelu* medu lavo.
33 Okwa denga oikunino yavo yomandjebele nosho yo omikwiyu davoNokwa teyaula po omiti domoshitukulwa shavo.
34 Okwa ti oshipaxu nashi uye,Oshipaxu* itashi dulu okuvalulwa.
35 Osha lya po oimeno aishe yomoshilongo,Nosha lya po oilikolomwa yomedu.
36 Opo nee okwa dipaa oiveli yavo aishe medu lavo,Oludalo lotete leenghono davo.
37 Okwa kufa mo oshiwana shaye shi na oshisilveri noshingoli;Nokape na nande oumwe womomapata aye a punduka.
38 Eshi va dja mo, Ovaegipiti ova li va hafa,Molwaashi oumbada wokutila Israel* owa li we va hanga.
39 Okwa yala oshilemo e va uvike,
Nomundilo u va pe ouyelele oufiku.
40 Ova indila, nokwe va etela oudila voimote;Okwa kala te va kutifa nomungome wa dja meulu.
41 Okwa ulula emanya, nomwa dja omeva taa kunguluka;Omeva oo okwa kunguluka mombuwa ngaashi omulonga.
42 Osheshi okwa dimbuluka eudaneko laye liyapuki, olo a udanekela omupiya waye, Abraham.
43 Onghee okwa kufa mo oshiwana shaye nehafo,Ovahoololwa vaye nehafo linene.
44 Okwe va pa edu loiwana;Ova fyuulula osho ovanhu vakwao va longa noudiinini va ete po,
45 Opo va diinine omalombwelo aye,Nokuwanifa po eemhango daye.
Tangeni Jah!*
Eshangelo lopedu
^ Ile “shikileni omusika.”
^ Ile tashi dulika, “Popyeni kombinga.”
^ Ile “eholokepo.”
^ Eln., “Ondjovo oyo a popya.”
^ Eln., “hanauna po oiti aishe yomingome.” Tashi dulika tashi ulike koiti, oko kwa li haku tulikwa omingome.
^ Eln., “fininika.”
^ Ile “Omwenyo waye owa tulwa moshivela shilaula.”
^ Eln., “A mange.”
^ Ile “ngaashi omwenyo waye wa hala.”
^ Oludi leemwe, olo la li la sha muEgipiti.
^ Ile “omalaka omundilo.”
^ Ile “Oshipaxu inashi kola.”
^ Eln., “vo.”
^ Ile “Halleluya!” “Jah” exupipiko ledina Jehova.
