Omapsalme 108:1-13
Eimbilo. Epsalme laDavid.
108 Kalunga kange, omutima wange owa pamenena.
Ohandi imbi nokushika omusika nounhu wange aushe.*
2 Oshishikomwa sheengodi, penduka; naave yo okaxumbafeta.
Ohandi pendula etendo leluwa.
3 Omwene Jehova, ohandi ku tange mokati kovanhu,Nohandi ku imbile omaimbilohambelelo* mokati koiwana.
4 Osheshi ohole yoye i na oudiinini oinene, i li pombada ngaashi eulu,Noudiinini woye owa twa mewangadjo.
5 Kalunga kange, tumbalekwa kombada yeulu;Efimano loye nali kale kombada yedu alishe.
6 Opo ovo u hole va dule okwaamenwa,Tu xupifa neke loye lokolulyo, nokunyamukula nge.
7 Kalunga okwa popya mouyapuki waye,* a ti:
“Ohandi hafe; ohandi yandje Sekem e li efyuululo,Nohandi tende ko Efilu laSukkot.
8 Gilead oshange, ngaashi ashike Manasse,Na Efraim embale* lokomutwe wange;Juda odibopangelo yange.
9 Moab oshiyaxa shange shokulikoshela.
Ohandi ka kupula eenghaku dange muEdom.
Ohandi ka ingida nehafo muFilistia omolwefindano.”
10 Olyelye ta eta nge koshilando sha dingililwa komakuma a pama?
Olyelye ta twala nge kokule kuEdom?
11 Kalunga kange, mbela haave ou we tu efa po,Kalunga ketu, ou iho i vali pamwe nomatangakwaita etu?
12 Tu kwafela moudjuu wetu,Osheshi exupifo lovanhu olongaho.
13 Ohatu ka mona eenghono omolwaKalunga,Nota ka lyataula ovatondi vetu.
Eshangelo lopedu
^ Eln., “nokuli nefimano lange.”
^ Ile “shikile omusika.”
^ Ile tashi dulika, “monhele yaye iyapuki.”
^ Eln., “ohotengulu.”
