Omapsalme 109:1-31
Komuwiliki. Epsalme laDavid. Eimbilo.
109 Omwene Kalunga, oo handi tange, ino kala wa mwena.
2 Osheshi ovakolokoshi novakengeleledi ohava makula omakanya avo va popile nge mowii.
Ohava popi oipupulu kombinga yange;
3 Ohava dingilile nge neendjovo doutondwe,Nohava ponokele nge nopehe na etomheno.
4 Eshi handi va ulikile ohole, ohava kondjifa nge;Ashike ohandi twikile okwiilikana.
5 Nonande onde va ningila ouwa, ohava ningile nge owii,Noku tonda nge omolwohole yange.
6 Na tokolwe komukolokoshi;Omukondjifi* na kale ofika kolulyo laye.
7 Ngeenge ta tokolwa, na monike ondjo;*Eilikano laye nali talike ko nokuli li li enyono.
8 Omafiku aye naa kale manini;Oshinakuwanifwa shaye shoupashukili nashi pewe umwe e lili.
9 Ovana* vaye nava kale vehe na xe,Nomukulukadi waye na ninge omufiyekadi.
10 Ovana* vaye nava ende tava ehela,Tava kongo oikulya momaumbo avo, oo a hanauka po.
11 Nakulilwa eendjo na kwate ko* ashishe osho e na,Novanailongo nava nyeke ko omamona aye.
12 Inapa kala nande umwe te mu file onghenda,*Noinapa kala nande umwe ta file onghenda ovana vaye, ovo vehe na xe.
13 Oludalo laye* nali xulifwe po;Edina lalo nali dimwe mo mepupi olo.
14 Jehova na dimbuluke epuko looxekulululwa,Nenyono laina inali dimwa po.
15 Jehova na kale alushe e shii osho va ninga;Nedimbulukifo lavo nali dimwe ko filufilu kombada yedu.
16 Osheshi ina dimbuluka oku va fila onghenda,*Ashike okwa kala ta fininike omufininikwa, ohepele nomunhu oo e na omutima wa teyauka,Opo e mu dipae.
17 Oku hole okufinga, naasho osho she mu hanga;Ka li e na ehalo lokunangeka noupuna, onghee ina mona enangeko noupuna.
18 Okwa dikwa omafingo onga oshikutu shaye.
Nokwa li e a tilwa kolutu laye ngaashi omeva,Nomomakipa aye ngaashi omaadi.
19 Omafingo aye naa kale ngaashi oshikutu, omo e lidingilaNongaashi omwiya, oo ha djala alushe.
20 Ei oyo ofuto ya dja kuJehova yaao ta kondjifa ngeNosho yo yaavo tava popi oinima ii kombinga yange.*
21 Ndele ove, Omwene Omunamapangelo aeshe, Jehova,Katuka ponhele yange omolwedina loye.
Xupife nge, molwaashi ohole yoye i na oudiinini oiwa.
22 Osheshi ame nghi na ekwafo lasha nonda hepa,Nomutima wange owa tyuulwa meni lange.
23 Ohandi xulu po, ngaashi omudidimbe tau kana po;Onda tukumunwa ko ngaashi oshipaxu.
24 Eengolo dange oda nghundipala kokulidilika;Olutu lange ola utama, nohandi nyonauka po.*
25 Onda ninga oshinima shomasheko avo.
Ngeenge va mono nge, ohava pukapukile nge omitwe davo.
26 Omwene Jehova, Kalunga kange, kwafele nge;Xupife nge omolwohole yoye i na oudiinini.
27 Nava shiive kutya, eshi osha ningwa omolweke loye;Kutya ove, Omwene Jehova, oove we shi ninga.
28 Va efa va popye efingo, ashike ove nangeka noupuna.
Ngeenge va fikama va lwife nge, nava fifwe ohoni,Ashike efa omupiya woye a nyakukwe.
29 Ovo tava kondjifa nge nava dikwe elengwa;Nava tonyenwe mohoni yavo, ngaashi va tonyenwa moshikutu.*
30 Okanya kange otaka ka tanga Jehova nondjungu;Ohandi ke mu tanga moipafi yovanhu vahapu.
31 Osheshi ota ka fikama kombinga yeke lokolulyo lohepele,E i xupife kwaavo tave i tokola.*
Eshangelo lopedu
^ Ile “Omulundili.”
^ Ile “owii.”
^ Eln., “Ovanamati.”
^ Eln., “Ovanamati.”
^ Ile “Ovalandakanifi nave mu tele omwiyo.”
^ Ile “ulikile ohole i na oudiinini.”
^ Ile “Epupi olo li li komesho.”
^ Ile “oku va ulikila ohole i na oudiinini.”
^ Ile “omwenyo wange.”
^ Eln., “Ombelela yange oya fipatela; ihe na oinghene (omaadi).”
^ Ile “mokandjafa kehe na omaoko.”
^ Ile “omwenyo wayo.”
