Omapsalme 11:1-7
Komuwiliki. Epsalme laDavid.
11 Onda konga eameno kuJehova.
Onghee ongahelipi tamu dulu okulombwela nge* kutya:
“Inda onhapo ngaashi okadila komhunda yeni.
2 Tala nghee ovakolokoshi va lukila outa;Ova kulika oshikuti shavo mofipa,Opo va umbe ve li momilaulu ovo ve na omitima da yuka.
3 Ngeenge omakanghameno* okwa hanaunwa po,Ovayuki otava dulu okuninga po shike?”
4 Jehova oku li motembeli yaye iyapuki.
Olukalwapangelo laJehova oli li meulu.
Omesho aye mwene oku wete ko; omesho aye oo haa konenene,* ohaa konakona ovana vovanhu.
5 Jehova oha konakona omuyuki nosho yo omukolokoshi;Oku* tonde keshe oo e hole elongifo leenghono.
6 Ovakolokoshi ote va lokifile eemwiyo;*Omundilo nosulfuri nosho yo omhepo ipyu otai ka kala oshikunwa meholo lavo.
7 Osheshi Jehova omuyuki; oku hole oilonga youyuki.
Ovayuki otava mono oshipala shaye.*
Eshangelo lopedu
^ Ile “omwenyo wange.”
^ Ile “omakanghameno ouyuki.”
^ Ile “dakamene.”
^ Ile “Omwenyo waye; Ounhu waye.”
^ Ile tashi dulika, “omakala a xwama.”
^ Ile “ota kala e va hokwa.”
