Omapsalme 115:1-18
115 Ino yandja efimano kufye, Omwene Jehova, ino yandja efimano kufye,*Ashike yandja efimano kedina loyeOmolwohole yoye i na oudiinini nosho yo oudiinini woye.
2 Omolwashike oiwana i na okutya:
“Kalunga kavo oku li peni?”
3 Kalunga ketu oku li meulu;Oha longo keshe osho a hala.
4 Oikalunga yavo oya longwa moisilveri nomoingoli,Oilonga yomake ovanhu.
5 Oi na omakanya, ashike ihai popi;Oi na omesho, ashike ihai mono ko;
6 Oi na omatwi, ashike ihai udu ko;Oi na omayulu, ashike ihai udu edimba lasha;
7 Oi na omake, ashike ihai dulu okukwata sha;Oi na eemhadi, ashike ihai ende;Mominino dayo ihamu di ewi lasha.
8 Ovanhu ovo ve i ninga otava ka kala ngaashi yo,Nosho yo aveshe ovo ve lineekela muyo.
9 Akutu Israel, lineekela muJehova;Oye ekwafo lavo noshikelelifo shavo.
10 Eumbo laAron ove, lineekela muJehova;Oye ekwafo lavo noshikelelifo shavo.
11 Nye ovo hamu tila Jehova, lineekeleni muJehova;Oye ekwafo lavo noshikelelifo shavo.
12 Jehova ohe tu dimbuluka, note ke tu nangeka noupuna;Ota ka nangeka noupuna eumbo laIsrael;Ota ka nangeka noupuna eumbo laAron.
13 Ota ka nangeka noupuna ovo hava tila Jehova,Ovo vanini nosho yo ovo vanene.
14 Jehova ote ke mu hapupalifa,Nye noludalo* leni.
15 Nangekweni noupuna kuJehova,Omushiti weulu nedu.
16 Eulu olaJehova,Ashike edu okwe li pa ovana vovanhu.
17 Ovafi ihava tange Jah;Nakeshe ou ha i melimweneneno lefyo.*
18 Ashike fye ohatu ka tanga Jah,Okudja paife nofiyo alushe.
Tangeni Jah!*
Eshangelo lopedu
^ Ile “Katu na eshi tu na, Omwene Jehova, katu na eshi tu na.”
^ Eln., “novanamati.”
^ Eln., “melimweneneno.”
^ Ile “Halleluya!” “Jah” exupipiko ledina Jehova.
