Omapsalme 116:1-19
116 Ondi hole Jehova,Molwaashi oha udu* ondaka yange, eshi handi pula ekwafo.
2 Osheshi oha pakalekele okutwi kwaye* kwaame,Nohandi mu ifana, ofimbo ndi na omwenyo.*
3 Eengodi defyo oda li da dingilila nge;Ombila oya li i kwete nge ya diinina.*
Onda li nda wililwa po koudjuu nokoluhodi.
4 Ashike onda li nda ifana edina Jehova, nda ti:
“Omwene Jehova, xupife nge!”*
5 Jehova omunalukeno* nomuyuki;Kalunga ketu omunanghenda.
6 Jehova oha amene ovo vehe na owino.
Onda li nda kanifa eenghono, nokwa xupifa nge.
7 Omwenyo wange* nau fude po vali,Osheshi Jehova okwa ungaunga naame nonghenda.
8 Owa xupifa nge* mefyo,Eisho lange okomahodi; omhadi yange okokupunduka.
9 Ohandi ende moipafi yaJehova medu lovanamwenyo.
10 Molwaashi onda kala ndi na eitavelo, onda popya;Onda li nda fininikwa neenghono.
11 Ame onda haluka, ndele handi ti:
“Omunhu keshe omunaipupulu.”
12 Ohandi ku shunifile shike Jehova,Omolwoinima aishe iwa oyo wa ningila nge?
13 Ohandi ka kufa po eholo lexupifo,*Nohandi ka ifana edina Jehova.
14 Ohandi wanifa po osho nda udanekela JehovaMoipafi yoshiwana shaye ashishe.
15 Ohashi yehameke* JehovaNgeenge a filwa ovadiinini vaye.
16 Ohandi ku lilile ekwafo, Omwene Jehova,Osheshi ame omupiya woye.
Ame omupiya woye, omonamati womupiya woye okakadona.
Owa mangulula nge meemhango dange.
17 Ohandi ke ku pa omapanduloyambo;Ohandi ka ifana edina Jehova.
18 Ohandi wanifa po osho nda udanekela JehovaMoipafi yoshiwana shaye ashishe,
19 Momikala domeumbo laJehova,Mokati koye, ove Jerusalem.
Tangeni Jah!*
Eshangelo lopedu
^ Ile tashi dulika, “Ondi hole, molwaashi Jehova oha udu.”
^ Ile “endeke, a pwilikine.”
^ Eln., “momafiku ange.”
^ Eln., “Oudjuu wombila owa li wa hanga nge.”
^ Ile “omwenyo wange.”
^ Ile “oku na onghedi iwa.”
^ Tala Omafatululo oitya.
^ Ile “omwenyo wange.”
^ Ile “exupifo linene.”
^ Eln., “Oshi na ondilo momesho.”
^ Ile “Halleluya.” “Jah” exupipiko ledina Jehova.
