Omapsalme 12:1-8
-
Jehova oha fikama a katuke onghatu
-
Omalombwelo aKalunga okwa yuka (6)
-
Komuwiliki; la stelwa puSheminit.* Eimbilo laDavid.
12 Omwene Jehova, xupife nge, osheshi omudiinini ke po vali nande;Ovadiinini kave mo vali mokati kovanhu.
2 Ohava lombwelafana oipupulu;Ohava mbweenga nomilungu davo,* nohava popi nomitima di na oukengeleledi.*
3 Jehova ota ka hanauna po aveshe ovo hava mbweenga nomilungu,Nelaka laavo have litange unene,
4 Ovo hava ti: “Ohatu ke lipopila nomalaka etu.
Ohatu longifa omilungu detu ngaashi twa hala;Olyelye ta ka kala omwene wetu?”
5 Jehova ota ti: “Molwaashi ovafininikwa ova findilwa kongudiNomolwokukema kweehepele,Ohandi ka fikama nokukatuka onghatu.
Ohandi ke va xupifa kwaavo tava ungaunga navo nodino.”*
6 Omalombwelo aJehova okwa yuka;Oku li ngaashi oshisilveri sha hemunwa mefiya la tungwa nelova,* sha kosholwa lwoikando iheyali.
7 Omwene Jehova, oto ke va wilika;Oto ka amena keshe umwe womuvo kepupi eli fiyo alushe.
8 Ovakolokoshi otava endaenda va manguluka,Molwaashi ovana vovanhu otava xumifa komesho owii.
Eshangelo lopedu
^ Ile “omikwelengedjo di li pedu.” Tala Omafatululo oitya.
^ Eln., “Ohava popi nomilungu di na omufenu.”
^ Eln., “nomutima nomutima.”
^ Ile “tave va ningi nai.”
^ Ile tashi dulika, “ediko la hanya li li pedu.”
