Omapsalme 126:1-6
Eimbilo lokulonda.
126 Eshi Jehova a ongela eenghwate daSion di shune,Otwa li tu shii ohatu tu ondjodi.
2 Pefimbo opo, omakanya etu okwa li taa yolo unene,Nomalaka etu okwa li taa ingida nehafo.
Pefimbo opo, ovanhu vomoiwana ova lombwelafana tava ti:
“Jehova okwe va ningila oinima inene.”
3 Jehova okwe tu ningila oinima inene,Notwa nyakukwa.
4 Omwene Jehova, ongela* eenghwate detuNgaashi omakungulukilo omeva omuNegeb.*
5 Ovo tava kunu eembuto noluhodiOtava ka teya tava ingida nehafo.
6 Oo ha i, nonande ota kwena,A humbata ekutu laye leembuto,Ota ka aluka shili ta ingida nehafo,A humbata omikuto daye.
