Omapsalme 132:1-18
Eimbilo lokulonda.
132 Omwene Jehova, dimbuluka DavidNosho yo okumona oixuna kwaye akushe;
2 Nghee a ana kuJehova,Nghee a ana kOmunaenghono waJakob, a ti:
3 “Itandi ka ya metwali lange, meumbo lange.
Itandi ka nangala momutala wange, kombete yange;
4 Itandi ka efa omesho ange a kofe,Ile oipa oyo hai tuvike omesho ange i fifikine
5 Fiyo osheshi nda monena Jehova onhele,Onhele iwa* yOmunaenghono waJakob.”
6 Tala! Otwa uda kombinga yayo muEfrata;Otwe i hanga momapya omofuka.
7 Natu uye monhele yaye;*Natu tweni eengolo poshilyatelo sheemhadi daye.
8 Omwene Jehova, fikama, u uye konhele yoye yetulumuko,Ove nosho yo Oshikefa sheenghono doye.
9 Ovapristeri voye nava dikwe ouyuki,Novadiinini voye nava ingide nehafo.
10 Omolwomupiya woye David,Ino efa* omuvaekwa woye.
11 Jehova okwa anena David;Oshoshili kutya ita ka ninguluka shi na sha nondjovo yaye, eshi a ti:
“Umwe womoludalo loye,*Ohandi ke mu tula kolukalwapangelo loye.
12 Ngeenge ovanamati voye ova diinine ehangano langeNomadimbulukifo ange, oo handi va hongo,Ovanamati vavo navoOtava ka kala omutumba kolukalwapangelo loye fiyo alushe.”
13 Osheshi Jehova okwa hoolola Sion;Okwe shi halelela shi ninge onhele yaye yokukala, a ti:
14 “Ei oyo onhele yange yetulumuko fiyo alushe;Apa opo handi ka kala, osheshi osho osho nda hala.
15 Ohandi ke shi nangeka noupuna neenghono nomafiloshisho;Ohandi ka kutifa eehepele dasho nomungome.
16 Ovapristeri vasho ohandi ke va dika exupifo,Novadiinini vasho otava ka ingida nehafo.
17 Oko oko handi ka hapupalifila eenghono* daDavid.
Onda longekida olamba yomuvaekwa wange.
18 Ohandi ka dika ovatondi vaye ohoni,Ashike oshikoroni* shokomutwe waye otashi ka vilima.”
Eshangelo lopedu
^ Ile “Etwalihangano linene.”
^ Ile “metwalihangano laye linene.”
^ Eln., “pungulula ko oshipala.”
^ Eln., “woshiimati shoshidalelo shoye.”
^ Eln., “oluvinga.”
^ Ile “oshikoroni shiyapuki.”
