Omapsalme 144:1-15
Epsalme laDavid.
144 Jehova, Emanya lange, na tangwe,Oo a deulila omake ange olwoodi,Nominwe dange oita.
2 Oye ohole yange i na oudiinini nohotengulu yange,Ouhondameno wange wa amenwa* nomuxupifi wange,Oshikelelifo shange nosho yo Oo muye nda konga eameno,Oo ta findi ovanhu ovo ve li koshi yange.
3 Omwene Jehova, omunhu omushike, opo u mu didilike,Omunhu oo ehe kwete okufya, opo u yandje elitulemo kuye?
4 Omunhu okwa fa omufudo wongaho;Omafiku aye okwa fa omudidimbe tau ende tau kana po.
5 Omwene Jehova, lema* eulu loye, ndele to londoloka;Kuma eemhunda, noku di ningifa di dje omwifi.
6 Shelifa okashelu, nokulihanifa ovatondi;Umba oikuti yoye, noku va ngwangwaneka.
7 Nana omake oye okudja pombada;Amene nge nokuxupifa nge komeva oo taa ndwafuka,Meke* lovanailongo,
8 Ovo omakanya avo haa popi oipupulu,Nohava yelula omaoko avo okolulyo va anene oipupulu.*
9 Omwene Kalunga, ohandi ku imbile eimbilo lipe.
Ohandi ku imbile omaimbilohambelelo,* pamwe noshishikomwa sheengodi omulongo,
10 Kwaao ha yandje efindano* keehamba,Kwaao ta xupifa omupiya waye, David, keongamukonda la nyika oshiponga.
11 Amene nge nokuxupifa nge meke lovanailongo,Ovo omakanya avo haa popi oipupulu,Nohava yelula omake avo okolulyo va anene oipupulu.
12 Opo nee ovanamati vetu otava ka kala ngaashi oimeno inini tai kulu meendelelo,Ovanakadona vetu ongaashi eengudi domohuke, odo da hongwa, di kale mombala.
13 Eemhungulilo detu otadi ka yada ndoondoo oilikolomwa yoludi keshe;Omaufita etu, moitukulwa yetu, otaa ka hapupala lwomayovi, lwomayovi omilongo.
14 Eengobe detu, odo difimba, itadi ka mona oshiponga, ile di wife;Momaluhaela etu itamu ka kala omalilaano omolwoudjuu.
15 Ovanhu va tya ngaho otava kala va hafa.
Ovanhu, ovo Kalunga kavo e li Jehova, otava kala va hafa.
Eshangelo lopedu
^ Ile “eameno la shiya ko.”
^ Ile “kulukifa.”
^ Ile “Meemhango.”
^ Eln., “Nomake avo okolulyo, oku li omake okolulyo oipupulu.”
^ Ile “shikile omusika.”
^ Ile “exupifo.”
