Omapsalme 145:1-21
Eimbilohambelelo laDavid.
א [Alef]
145 Ohandi ku tumbalekifa Omwene Kalunga kange Ohamba,Ohandi tange edina loye alushe fiyo alushe.
ב [Bet]
2 Ohandi ku tange efimbo alishe;Ohandi tange edina loye alushe fiyo alushe.
ג [Gimel]
3 Jehova omunene, nokwa wana filufilu okutangwa;Ounene waye otau nyengana.*
ד [Dalet]
4 Epupi nepupi otali ka tanga oilonga yoye;Otali ka popya kombinga yoinenelonga yoye.
ה [He]
5 Otali ka popya kombinga yetumbalo loye linene nefimano loye,Nohandi ka dilonga kombinga yoilonganghono yoye.
ו [Waw]
6 Otali ka popya kombinga yoilonga yoye ikumwifi,*Nohandi ka shiivifa ounene woye.
ז [Zayin]
7 Otali ka popya nehafo, eshi tali dimbuluka ouwa woye munene,Notali ka ingida nenyaku omolwouyuki woye.
ח [Het]
8 Jehova omunalukeno* nomunanghenda,Iha handuka diva, noku na ohole inene i na oudiinini.
ט [Tet]
9 Jehova omuwa kwaaveshe,Nefilonghenda laye oli liwetikile moilonga yaye aishe.
י [Yod]
10 Omwene Jehova, oilonga yoye aishe otai ke ku tumbalekifa,Novadiinini voye otave ke ku tanga.
כ [Kaf]
11 Otava ka shiivifa kombinga yefimano louhamba woye,Nokupopya kombinga yeenghono doye dinene,
ל [Lamed]
12 Opo va shiivifile ovanhu oinenelonga yoye,Netumbalo linene louhamba woye.
מ [Mem]
13 Ouhamba woye oo ouhamba waalushe,Nepangelo loye otali kala po fiyo okomapupi aeshe.
ס [Samek]
14 Jehova oha yambidida aveshe ovo tava punduka,Noha yambula po aveshe ovo va nyongamekwa.
ע [Ayin]
15 Omesho aeshe okwa tala kwoove e na eteelelo;Oho va pe oikulya yavo pefimbo la wapala.
פ [Pe]
16 Oho kamutulula eke loye,Nokuwanifa po ehalo lakeshe shimwe osho shi na omwenyo.
צ [Tsade]
17 Jehova omuyuki meendjila daye adishe,Nomudiinini mwaashishe osho ha ningi.
ק [Kof]
18 Jehova oku li popepi naaveshe ovo tave mu ifana,Naaveshe ovo tave mu ifana moshili.*
ר [Res]
19 Oha wanifa po ehalo laavo have mu tila;Oha udu, eshi tave mu lilile ekwafo, nohe va xupifa.
ש [Shin]
20 Jehova oha amene aveshe ovo ve mu hole,Ashike ovakolokoshi aveshe ote ke va hanauna po.
ת [Taw]
21 Okanya kange otaka ka tanga Jehova;Keshe shimwe shi na omwenyo* nashi tange edina laye liyapuki alushe fiyo alushe.
Eshangelo lopedu
^ Ile “itau dulu okuudiwa ko pauyadi.”
^ Ile “yeenghono.”
^ Ile “oku na onghedi iwa.”
^ Ile “tashi di komutima.”
^ Eln., “Ombelela aishe.”
