Omapsalme 24:1-10
-
Ohamba ya tumbala tai piti momivelo
-
“Edu olaJehova” (1)
-
Epsalme laDavid. Eimbilo.
24 Edu olaJehova nakeshe osho shi li ko,Edu liwa naavo ve li ko.
2 Osheshi okwe li dika la pama kombada yomafuta,Nokwe li tunga la pama kombada yomilonga.
3 Olyelye ta dulu okulonda komhunda yaJehova,Nolyelye ta dulu okufikama monhele yaye iyapuki?
4 Keshe oo omake aye ehe na etimba, noku na omutima wa koshoka,Oo ina ninga eano loipupulu medina longhalamwenyo Yange,*Noina ninga eano loukengeleledi.
5 Ota ka mona omanangeko noupuna taa di kuJehovaNouyuki tau di kuKalunga kaye kexupifo.
6 Eli epupi laavo tave mu kongo,Laavo tava kongo oshipala shoye, Omwene Kalunga kaJakob. (Sela)
7 Nye omivelo, yeluleni omitwe deni;Nye oivelo yonale, yeulukeni,*Opo Ohamba ya tumbala i uye mo.
8 Olyelye Ohamba, oyo ya tumbala?
OJehova, oo e na omafa nomunaenghono,Jehova, omukwaita omunaenghono.
9 Nye omivelo, yeluleni omitwe deni;Nye oivelo yonale, yeulukeni,Opo Ohamba ya tumbala i uye mo.
10 Olyelye oo e li Ohamba ya tumbala?
Jehova womatangakwaita oye Ohamba, oyo ya tumbala. (Sela)
Eshangelo lopedu
^ Ile “Omwenyo wange,” tashi ulike konghalamwenyo yaJehova oko oohandimwe hava ane.
^ Ile “fikameni.”
