Omapsalme 3:1-8
Eimbilo laDavid, eshi a li ta faduka po omonamati waye, Absalom.
3 Omwene Jehova, omolwashike ovatondi vange va hapupala neenghono?
Omolwashike ovo tava kondjifa nge vahapu neenghono?
2 Vahapu otava popi nge* tava ti:
“Kalunga ite mu xupifa.” (Sela)*
3 Ashike ove, Omwene Jehova, oove oshikelelifo sha dingilila nge,Efimano lange nosho yo ou ta yelula po omutwe wange.
4 Ohandi ka ifana Omwene Jehova mokule,Nota ka nyamukula nge okudja komhunda yaye iyapuki. (Sela)
5 Ohandi ka nangala, ndele handi kofa;Nohandi ka penduka ndi li meameno,Osheshi Jehova ota twikile okuyambidida nge.
6 Inandi tila omayovi omilongo,Oo a dingilila nge keembinga adishe.
7 Omwene Jehova, fikama! Kalunga kange, xupife nge!
Osheshi oto ka denga ovatondi vange aveshe keehamama;Oto ka teyaula omayoo ovakolokoshi.
8 Exupifo olaJehova.
Oshiwana shoye owe shi nangeka noupuna. (Sela)
