Omapsalme 36:1-12
Komuwiliki. Epsalme lomupiya waJehova, David.
36 Etauluko otali popi nomukolokoshi moule womutima waye;Momesho aye kamu na etilokalunga.
2 Osheshi ohe litale ko a tumbala unene,Osho hashi mu imbi aha mone nokuha tonde epuko laye.
3 Eendjovo domokanya kaye odiyehameka notadi pukifa;Ke na eendunge dokulonga osho shiwa.
4 Oha pangele eemhangela diyehameka, nokuli nomombete yaye.
Oku li melila olo lihe fi liwa;Iha anye osho shii.
5 Omwene Jehova, ohole yoye i na oudiinini oya twa keulu;Oudiinini woye owa hanga koilemo.
6 Ouyuki woye ou li ngaashi eemhunda dinene;*Omatokolo oye okwa fa omeva mahapu, e li moule.
Omwene Jehova, ovanhu noifitukuti oho va kaleke nomwenyo.*
7 Omwene Kalunga, ohole yoye i na oudiinini oi na ondilo shi fike peni!
Ovana vovanhu otava kongo eameno momudidimbe womavava oye.
8 Ohava nu oinima ihapu iwa* yomeumbo loye, fiyo va kumwa,Noho va ningifa va nwe momulonga wouwa woye.
9 Oove odjo yomwenyo;Omolwouyelele woye, otu wete ouyelele.
10 Twikila okuulikila ovo ve ku shii ohole yoye i na oudiinini,Nouyuki woye, ovovo ovayuki momitima.
11 Ino efa omhadi yomulinenepeki i lyate nge,Ile omake ovakolokoshi a taataele nge shi.
12 Ovalongi vowii oko va wila oko;Ova undulilwa pedu, noitava dulu okufikama po.
