Omapsalme 4:1-8
Komuwiliki; oli na okwiimbwa noishikomwa yeengodi. Eimbilo laDavid.
4 Omwene Kalunga kange omuyuki, ngeenge handi ku ifana, nyamukule nge.
Longekidile nge ondjila yokuya onhapo* moudjuu wange.
File nge onghenda nokuuda eilikano lange.
2 Nye ovana vovanhu, fiyo onaini tamu kala nokulundululila efimano lange mefifohoni?
Fiyo onaini tamu kala mu hole oinima yongaho nokulalakanena oinima ihe fi yoshili? (Sela)
3 Shiiveni kutya Jehova ota ka ungaunga nomudiinini waye monghedi ye likalekelwa;*Jehova ota ka uda nge, eshi handi mu ifana.
4 Handukeni, ndele inamu nyona.
Lipopileni momitima deni, keembete deni, nokukala mwa mwena. (Sela)
5 Yandjeni omayambo e li pauyuki,Nokulineekela muJehova.
6 Ope na vahapu tava ti: “Olyelye te ke tu ulikila sha shiwa?”
Omwene Jehova, ouyelele woshipala shoye nau tu minikile.
7 Owa yadifa omutima wange nehafo lineneLi dulife laavo ve na eteyo linene loilya nolomaviinyu mape.
8 Ohandi nangala nokukofa nombili,Osheshi, Omwene Jehova, oove auke ho tula nge meameno.
Eshangelo lopedu
^ Eln., “Ninga onhele ya andjuka.”
^ Ile “yoolola ko omudiinini waye; likalekelela omudiinini waye.”
