Omapsalme 41:1-13
Komuwiliki. Eimbilo laDavid.
41 Keshe oo ha yavelele omudinwa ota kala a hafa;Jehova ote mu xupifa mefiku loudjuu.
2 Jehova ote mu pashukile, noku mu kaleka nomwenyo.
Ota ka shiivika e li omuhafi kombada yedu;Ito mu efa a yulwe keemhangela* dovatondi vaye.
3 Jehova ote mu pameke, ngeenge e li mombete yaye ta ehama;Pefimbo louyehame waye, oto lundulula filufilu ombete yaye.
4 Osheshi onda ti: “Omwene Jehova, file nge onghenda.
Velule nge,* molwaashi onda nyona kwoove.”
5 Ashike ovatondi vange ohava popi oinima ii kombinga yange, tava ti:
“Ota fi naini, opo edina laye liha dimbulukiwe vali?”
6 Ngeenge umwe womuvo okwe uya okutala nge, omutima waye ohau popi oipupulu.
Oha kongo oshinima shii, e ke shi popye;Opo nee oha i, noku shi tandavelifa.
7 Aveshe ovo ve tonde nge ohave linongofolele;Ohava pangelele nge omhangela ii, tava ti:
8 “Okwa hangwa koudjuu;Paife eshi a dengwa pedu, ita yambuka po vali.”
9 Nokuli nomunhu, oo e na ombili naame, oo nda li nde lineekela,Oo a li ha li omungome wange okwa yelulila nge oshififinwa shaye.*
10 Ashike ove, Omwene Jehova, file nge onghenda nokuyambula nge po,Opo ndi va shunifile osho va ningila nge.
11 Kungaho, ohandi ka shiiva kutya owa hokwa nge:
Eshi omutondi wange ita dulu okuhafa, molwaashi ina finda nge.
12 Ashike ame, owa yambidida nge omolwoudiinini wange;Oto kaleke nge koshipala shoye fiyo alushe.
13 Jehova, Kalunga kaIsrael, na tangweFiyo alushelushe.*
Amen, Amen.
Eshangelo lopedu
^ Ile “komahalo; omwenyo.” Tala Omafatululo oitya.
^ Ile “omwenyo wange.”
^ Ile “okwa pilukila nge po.”
^ Ile “Okudja nale fiyo alushe.”
