Omapsalme 42:1-11
Komuwiliki. Omaskil* yovanamati vaKora.
42 Ngaashi onyapi ya djuulukwa komatondokelo omeva,Naame onde ku djuulukwa,* Kalunga kange.
2 Onda fila enota* Kalunga, Kalunga omunamwenyo.
Onaini handi uya ndi holoke koshipala shaKalunga?
3 Omahodi ange oo oikulya yange omutenya noufiku;Efimbo alishe ovanhu ohava sheke nge, tava ti: “Kalunga koye oku li peni?”
4 Ohandi dimbuluka oinima ei, nohandi mbubula omwenyo* wange,Osheshi onda li handi ende pamwe nengafifi lovanhu;Onda li handi ende kanini* ndi li komesho yalo, twa finda keumbo laKalunga,Hatu imbi omaimbilo ehafo noolupandu,Tu li ongudu hatu dana oshivilo.
5 Omolwashike nda* polimana?
Omolwashike oupyakadi u li meni lange?
Teelela Kalunga,Osheshi natango ohandi ke mu tanga e li Omuxupifi Munenenene wange.
6 Kalunga kange, onda* polimana.
Nomolwaasho handi ku dimbuluka,Okudja koshitukulwa shaJordan nokoxulo yomhunda yaHermon,Okudja kOmhunda Misar.*
7 Omeva omoule otaa ifana omeva omouleKepopomo lomawo omeva oye.
Omakufikufi oye aeshe tae litumbu okwa wilila nge po.
8 Omutenya, Jehova ota ka ulikila nge ohole yaye i na oudiinini,Noufiku, eimbilo laye otali ka kala pwaame; eilikano kuKalunga oo a pa nge omwenyo.
9 Ohandi ti kuKalunga, emanya lange:
“Omolwashike wa dimbwa nge?
Omolwashike handi ende nda nyika oluhodi omolwokufininikwa komutondi wange?”
10 Ovatondi vange ohava sheke nge, nokuningila nge omatilifo edipao;*Efimbo alishe ohava sheke nge, tava ti: “Kalunga koye oku li peni?”
11 Omolwashike nda* polimana?
Omolwashike oupyakadi u li meni lange?
Teelela Kalunga,Osheshi natango ohandi ke mu tanga e li Omuxupifi Munenenene wange naKalunga kange.
Eshangelo lopedu
^ Tala Omafatululo oitya.
^ Ile “Omwenyo wange owa djuulukwa.”
^ Ile “Omwenyo wange owa fila enota.”
^ Tala Omafatululo oitya.
^ Ile “kashona.”
^ Ile “omwenyo wange.”
^ Ile “omwenyo wange owa.”
^ Ile “komhunda inini.”
^ Ile tashi dulika, “Va fa tava nyanyaula omakipa ange.”
^ Ile “omwenyo wange.”
