Omapsalme 43:1-5

  • Kalunga e li Omutokoli oha xupifa

    • “Tuma ouyelele woye noshili” (3)

    • “Omolwashike nda polimana?” (5)

    • “Teelela Kalunga” (5)

43  Kalunga kange, tokole nge,Popile nge moihokolola koshiwana shihe fi oshidiinini. Xupife nge komunhu omupukifi nomuhenouyuki.  2  Osheshi oove Kalunga kange, ouhondameno wange. Omolwashike wa ekela nge shi? Omolwashike ndi na okweenda nda nyika oluhodi omolwokufininikwa komutondi wange?  3  Tuma ouyelele woye noshili yoye. Oinima oyo nai wilike nge;Nai wilike nge ndi ye komhunda yoye iyapuki noketwalihangano loye linenenene.  4  Opo nee ohandi ke uya koaltari yaKalunga,KuKalunga, ehafo lange linene. Nohandi ke ku tanga nokaxumbafeta, Omwene Kalunga, Kalunga kange.  5  Omolwashike nda* polimana? Omolwashike oupyakadi u li meni lange? Teelela Kalunga,Osheshi natango ohandi ke mu tanga e li Omuxupifi Munenenene wange naKalunga kange.

Eshangelo lopedu

^ Ile “omwenyo wange.”
OMBIIBELI — ETOLOKO LOUNYUNI MUPE LOMISHANGWA DIYAPUKI
Omapsalme 43
Oshikwanyama
Lesha Ombiibeli kointaneta
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt