Omapsalme 48:1-14
Eimbilo. Epsalme lovanamati vaKora.
48 Jehova omunene, nokwa wana okutangwa filufiluMoshilando shaKalunga ketu, komhunda yaye iyapuki.
2 Omhunda Sion oi li kokule kolundume,Oya wapala moule wayo, noi li ehafo lokombada yedu alishe,Noshilando shOhamba Inenenene.
3 Meeshungongulu dasho da pama,Kalunga okwa shiivifa kutya oku li ouhondameno wa amenwa.*
4 Osheshi, tala, eehamba oda ongala;*Adishe ode limanga kumwe.
5 Eshi de shi mona, oda li da kumwa.
Oda haluka, ndele tadi i onhapo koumbada.
6 Oda hangikila ko koumbada,Ouyehame wa fa womukainhu ta mono okaana.*
7 Eeskepa dokuTarsis owe di teyaula nomhepo yokoushilo.
8 Osho twa uda, otwe shi limonena fye veneMoshilando shaJehova womatangakwaita, moshilando shaKalunga ketu.
Kalunga ote shi amene fiyo alushe. (Sela)
9 Omwene Kalunga, ohatu dilonga kohole yoye i na oudiininiMotembeli yoye.
10 Omwene Kalunga, ngaashi edina loye, okutangwa kwoyeOkwa fika kominghulo dedu.
Eke loye lokolulyo oli yadi ouyuki.
11 Omhunda Sion nai hafe,Oilando* yaJuda nai nyakukwe omolwomatokolo oye.
12 Dingilileni Sion; shi dingonokeni;Valuleni eeshungongulu dasho.
13 Diladileni momitima deni kombinga yekondeka leenduba dasho domadu.*
Konakoneni eeshungongulu dasho da pama,Opo mu dule oku di lombwela omapupi okomesho.
14 Osheshi Kalunga ou oye Kalunga ketu alushe fiyo alushe.
Ote tu wilike fiyo alushe.*
Eshangelo lopedu
^ Ile “eameno la shiya ko.”
^ Ile “oda ninga oshilaye di shakene.”
^ Ile “ta dala.”
^ Eln., “Ovanakadona.”
^ Ile “omakuma a pama.”
^ Ile tashi dulika, “fiyo twa fya.”
