Omapsalme 52:1-9
Komuwiliki. Maskil.* Epsalme laDavid, eshi Doeg, Omuedom, e uya nokwa lombwela Saul kutya David okwe uya keumbo laAhimelek.
52 Omulishiivi weenghono ove, omolwashike ho litangele oilonga yoye ii?
Ohole i na oudiinini yaKalunga otai kala po efimbo alishe.
2 Elaka loye oli na eemhemo ngaashi okambi,Eemhangela dii odiehameka noda nyika oukengeleledi.
3 Ou hole owii shi dulife ouwa,Ho popi oipupulu shi dulife okupopya oshili. (Sela)
4 Ou hole eendjovo adishe dii,Ove ou elaka loye li na oukengeleledi.
5 Nomolwaasho Kalunga te ke ku kokololela pedu lumwe nofiyo alushe;Ote ke ku vakula po noku ku hanauna po metwali loye;Ote ke ku duda mo medu lovanamwenyo. (Sela)
6 Ovayuki otave ke shi mona, notava ka kala va kumwa neenghono,Notava ka yola omulongi wowii.
7 “Ou omulumenhu oo ina ninga Kalunga eameno* laye,Ashike okwe lineekela moupuna waye muhapu,Nokwe lineekela* meemhangela daye dii.”*
8 Ashike ame ohandi ka kala ngaashi olumono la kula litalala meumbo laKalunga;Elineekelo lange oli li mohole yaKalunga i na oudiinini alushe fiyo alushe.
9 Ohandi ku tange fiyo alushe, molwaashi owa katuka onghatu;Moipafi yovadiinini voye,Ohandi lineekele medina loye, osheshi osho oshiwa.
Eshangelo lopedu
^ Tala Omafatululo oitya.
^ Ile “ouhondameno.”
^ Ile “konga omudile.”
^ Eln., “owii waye.”
