Omapsalme 54:1-7
-
Eilikano a kwafelwe eshi e li mokati kovatondi
-
“Kalunga oye omukwafi wange” (4)
-
Komuwiliki; oli na okwiimbwa noishikomwa yeengodi. Maskil.* Epsalme laDavid, eshi Ovasif ve uya, ndele tava ti kuSaul: “David okwa hondama mokati ketu.”
54 Kalunga kange, xupife nge omolwedina loye,Nokwaamena nge* neenghono doye.
2 Kalunga kange, uda eilikano lange;Yandja elitulemo keendjovo dokanya kange.
3 Osheshi ovatondi ova fikama va lwife nge,Novalumenhu ovakwanyanya ova hala okudipaa nge.*
Inava fimaneka Kalunga.* (Sela)
4 Tala! Kalunga oye omukwafi wange;Jehova oku li pamwe naavo tava yambidida nge.*
5 Ota ka shunifila ovatondi vange owii wavo vene;Omolwoudiinini woye, va xulifa po.*
6 Ohandi ke ku yambela nehalo liwa.
Omwene Jehova, ohandi ka tanga edina loye, osheshi osho oshiwa.
7 Osheshi oha xupifa nge moudjuu keshe,Nohandi ka tala nehafo ovatondi vange, eshi va findwa.
Eshangelo lopedu
^ Tala Omafatululo oitya.
^ Ile “Nokupopila nge.”
^ Ile “omwenyo wange.”
^ Ile “Kave na ko nasha naKalunga.”
^ Ile “omwenyo wange.”
^ Eln., “mweneka.”
