Omapsalme 56:1-13
Komuwiliki; oli na okwiimbwa mongovela “Onghuti ya mwena, oyo i li kokulekule.” Epsalme laDavid. Miktam.* Eshi Ovafilisti ve mu kwatela muGat.
56 Kalunga kange, file nge onghenda, molwaashi ovanhu ovo vehe kwete okufya otava ponokele* nge.
Efimbo alishe otava lwifa nge, nokufininika nge.
2 Ovatondi vange otava kala nokukwata nge efimbo alishe;Vahapu otava lwifa nge nonyanya.
3 Ngeenge nda tila, ohandi ku lineekele.
4 Onde lineekela muKalunga, oo handi tange eendjovo daye.Onde lineekela muKalunga; itandi tila sha.
Omunhu* wongaho ota ningi nge shike?
5 Efimbo alishe otava etele nge oupyakadi;Otava diladila ashike okweetela nge oshiponga.
6 Ohava hondama va ponoke;Ohava tale eenghatu dange adishe,Va hala okudipaa nge.*
7 Ve liteeka po omolwoukolokoshi wavo.
Kalunga kange, hanauna po oiwana omolwehandu loye.
8 Oho konenene okweelaela kwange.
Ongela omahodi ange mombao* yoye.
Mbela inaa shangwa membo loye?
9 Ovatondi vange otava ka ya onhapo mefiku olo handi pula ekwafo.
Ondi na elineekelo kutya: Kalunga oku li pamwe naame.
10 Onde lineekela muKalunga, oo handi tange eendjovo daye.Onde lineekela muJehova, oo handi tange eendjovo daye.
11 Onde lineekela muKalunga; itandi tila sha.
Omunhu wongaho ota ningi nge shike?
12 Kalunga kange, ohandi wanifa po osho nde ku udanekela;Ohandi ku yambele eendjovo domapandulo.
13 Osheshi owa xupifa nge* mefyo,Nowa kelela omhadi yange iha punduke,Opo ndi dule okutwikila okukala nomwenyo nondi ende koshipala shaKalunga.
Eshangelo lopedu
^ Tala Omafatululo oitya.
^ Ile “kwata.”
^ Eln., “Ombelela.”
^ Ile “omwenyo wange.”
^ Ile “mokandini ka longwa moshipa shoshinamwenyo.”
^ Ile “omwenyo wange.”
