Omapsalme 59:1-17
Komuwiliki; oli na okwiimbwa mongovela “Ino eta ehanauno.” Epsalme laDavid. Miktam.* Eshi Saul a tuma ovalumenhu va ka nangele eumbo laDavid, opo ve mu dipae.
59 Omwene Kalunga kange, xupife nge kovatondi vange;Amene nge kwaavo tava fikama va lwife nge.
2 Amene nge kwaavo hava longo oukolokoshi,Nokuxupifa nge kovanhu ovo hava longo owii.*
3 Tala! Ova teelela va nangela nge;*Ovanhu ovanaenghono ova ponokela nge,Ashike, Omwene Jehova, hamolwaashi ngeno nda tukula oshibofa, ile nda nyona.
4 Nonande inandi ninga sha sha puka, ohava tondoka nokulilongekida va ponoke.
Fikama u kwafele nge, eshi handi pula ekwafo, nokutala osho handi ningilwa.
5 Osheshi ove, Omwene Jehova, Kalunga komatangakwaita, oove Kalunga kaIsrael.
Fikama, u yandje elitulemo koiwana aishe.
Ino fila onghenda ovakengeleledi aveshe. (Sela)
6 Ohava aluka onguloshi keshe;Ohava ono* ngaashi eembwa, nokweendaenda noshilando.
7 Tala osho hashi di* momakanya avo;Omilungu davo oda fa omaongamukonda,Osheshi ohava ti: “Olyelye ta pwilikine?”
8 Ashike ove, Omwene Jehova, oto ke va yola;Oto ka sheka oiwana aishe.
9 Oove eenghono dange, ohandi kala nde ku teelela;Osheshi Kalunga oye ouhondameno wange wa amenwa.*
10 Kalunga, oo a ulikila nge ohole i na oudiinini, ota ka kwafela nge;Kalunga ota ka ningifa nge ndi tale nehafo ovatondi vange, eshi va findwa.
11 Ino va dipaa, opo ovanhu vange vaha dimbwe.
Va endaendifa keenghono doye;Omwene Jehova, oshikelelifo shetu, va etela okumona oixuna.
12 Nava yulwe kounhwa wavo,Omolwomanyono omomakanya avo, eendjovo domilungu davo,Omolwomafingo noinima tai pukifa, oyo hava popi.
13 Va xulifa po omolwehandu loye;Va xulifa po, opo vaha kale po vali nande;Va shiivifa kutya Kalunga oye ta pangele muJakob nosho yo fiyo okominghulo dedu. (Sela)
14 Nava aluke konguloshi;Nava one* ngaashi eembwa, nokweendaenda noshilando.
15 Nava kale tava elaela tava kongo sha shokulya;Ino va efa va kute, ile va mone onhele yetulumuko.
16 Ashike ame, ohandi ka imba kombinga yeenghono doye;Ongula ohandi ka popya nehafo kombinga yohole yoye i na oudiinini.
Osheshi oove ouhondameno wange wa amenwa,Nonhele yange yokuya onhapo pefimbo loudjuu.
17 Eenghono dange, ohandi ke ku imbila omaimbilohambelelo,*Osheshi Kalunga oye ouhondameno wange wa amenwa, Kalunga oo ha ulikile nge ohole i na oudiinini.
Eshangelo lopedu
^ Tala Omafatululo oitya.
^ Ile “va fya enota lohonde.”
^ Ile “omwenyo wange.”
^ Ile “weda.”
^ Ile “tutuma onhutu.”
^ Ile “eameno la shiya ko.”
^ Ile “wede.”
^ Ile “shikila omusika.”
