Omapsalme 6:1-10
Komuwiliki; oli na okwiimbwa noishikomwa yeengodi ya stelwa puSheminit.* Eimbilo laDavid.
6 Omwene Jehova, ino hanyena nge wa handuka,Noino pukulula nge wa fula onya.
2 Omwene Jehova, kenukile nge,* osheshi ohandi ende handi nghundipala.
Omwene Jehova, velule nge, osheshi omakipa ange otaa kakama.
3 Oshoshili, onda* piyaanekwa unene,Nohandi ku pula, Omwene Jehova, kutya fiyo onaini tashi kala ngaha?
4 Omwene Jehova, aluka, ndele to xupifa nge;*Amene nge omolwohole yoye i na oudiinini.
5 Osheshi oonakufya ihave ku tumbula;*Olyelye te ku tange mOmbila?*
6 Onda loloka omolwoluhodi lange;Oufiku aushe, ohandi tutike ombete yange nomahodi;*Ohandi ninginifa oshipundi shange koshi yomahodi omolwokulila.
7 Omesho ange okwa nghundipala koluhodi lange;Kae wete ko nawa,* omolwaaveshe ovo tava hepeke nge.
8 Eheneni kokule naame, amushe ovo hamu lihumbata nai,Osheshi Jehova ota ka uda ondaka yange, eshi handi lili.
9 Jehova ota ka uda eindilo lange, eshi handi mu pula a file nge onghenda;Jehova ota ka nyamukula eilikano lange.
10 Ovatondi vange aveshe otava ka fifwa ohoni nokuteywa omukumo;Otava ka ya onhapo ombadilila va fya ohoni.
Eshangelo lopedu
^ Tala Omafatululo oitya.
^ Ile “file nge onghenda.”
^ Ile “omwenyo wange owa.”
^ Ile “omwenyo wange.”
^ Ile “dimbuluka.”
^ Sha hala okutya, kOufi. Tala Omafatululo oitya.
^ Eln., “ohandi ninginifa ombete yange koshi yomahodi.”
^ Ile “okwa kulupa.”