Omapsalme 61:1-8
-
Kalunga oye oshungongulu ya pama yokwaamena kovatondi
-
“Ohandi ka kala omweenda metwali loye” (4)
-
Komuwiliki; oli na okwiimbwa noishikomwa yeengodi. Epsalme laDavid.
61 Kalunga kange, uda eshi handi ku lilile ekwafo.
Pwilikina nelitulemo keilikano lange.
2 Ohandi ku lilile ekwafo okudja kominghulo dedu,Ngeenge omutima wange u li moudjuu.*
Twale nge kemanya lile li dule nge.
3 Osheshi oove eameno lange,Oshungongulu ya pama, oyo hai amene nge komutondi.
4 Ohandi ka kala omweenda metwali loye fiyo alushe;Ohandi ka kala nokukonga eameno koshi yomavava oye. (Sela)
5 Osheshi ove, Kalunga kange, owa uda osho nde ku udanekela.
Owa pa nge efyuululo laavo hava tila edina loye.
6 Konghalamwenyo* yohamba oto ka weda ko omafiku,Nomido dayo otadi kala po okudja kepupi fiyo okepupi.
7 Otai kala omutumba kolukalwapangelo fiyo alushe koshipala shaKalunga;I ulikila* ohole i na oudiinini nosho yo oudiinini, opo oinima oyo i i amene.
8 Opo nee edina loye ohandi ke li imbila omaimbilohambelelo* fiyo alushe,Eshi handi wanifa po osho nde ku udanekela efiku nefiku.
Eshangelo lopedu
^ Ile “tau ende tau nghundipala.”
^ Eln., “Komafiku.”
^ Ile “I pa.”
^ Ile “shikila omusika.”
