Omapsalme 62:1-12
Komuwiliki; Jedutun.* Eimbilo laDavid.
62 Oshoshili, ohandi teelele* nelimweneneno kuKalunga.
Exupifo lange ohali di kuye.
2 Oshoshili, oye emanya lange nexupifo lange, ouhondameno wange wa amenwa;*Itandi ka tengauka nandenande.
3 Fiyo onaini tamu kala nokuponokela omunhu, opo mu mu dipae?
Amushe omwa nyika oshiponga ngaashi ekuma la endama, emanya lekuma li li pokuwa po.*
4 Osheshi ohave mu pangelele omhangela, opo ve mu kufe po pondodo yaye yopombada;*Ohava hafele okupopya oipupulu.
Ohava nangeke noupuna nomilungu davo, ashike meni lavo otava fingi. (Sela)
5 Oshoshili, ohandi teelele nelimweneneno* kuKalunga,Molwaashi eteelelo lange ohali di kuye.
6 Oshoshili, oye emanya lange nexupifo lange, ouhondameno wange wa amenwa;Itandi ka tengauka nande.
7 Exupifo lange nefimano lange ohai di kuKalunga.
Kalunga oye emanya lange la pama neameno lange.
8 Ovanhu, mu lineekeleni efimbo alishe.
Mu mbubulileni omitima deni.
Kalunga oye eameno letu. (Sela)
9 Ovanhu ovo omufudo wongaho,Ovana vovanhu ovongaho elela.
Ngeenge aveshe ova tulwa koshiyelekifo, ova pu neenghono ve dulife omufudo wongaho.
10 Inamu lineekela moumbudi,Ile mu tule elineekelo loipupulu mokunyeka.
Ngeenge oupuna weni owa hapupala, inamu u tula komitima deni.
11 Kalunga okwa popya lumwe, nonda uda lwoikando ivali, kutya:
Eenghono odaKalunga.
12 Natango, Omwene Jehova, ohole i na oudiinini oyoye,Osheshi oto shunifile keshe umwe she likolelela koilonga yaye.
Eshangelo lopedu
^ Tala Omafatululo oitya.
^ Ile “omwenyo wange otau teelele.”
^ Ile “eameno la shiya ko.”
^ Ile tashi dulika, “Amushe otamu mu ningi ngaho, a fa ekuma la endama, emanya lekuma li li pokuwa po.”
^ Ile “efimano laye.”
^ Ile “omwenyo wange, teelela nelimweneneno.”
