Omapsalme 64:1-10
-
Eameno komaponokelo omonanguwi
-
“Kalunga ote ke va yasha” (7)
-
Komuwiliki. Eimbilo laDavid.
64 Kalunga kange, uda ondaka yange, eshi handi pula ekwafo.
Amena omwenyo wange komaponokelo ovatondi vange.
2 Amene nge keemhangela domonanguwi dovakolokoshi,Kongudu yovalongi vowii.
3 Ohava upike omalaka avo ngaashi ashike eongamukonda;Ohava shoneke neendjovo davo dii ngaashi oikuti,
4 Va yashe omunhu, oo ehe na etimba, okudja meenhele davo, omo va hondama;Ohave mu yashe meendelelo nopehe na oumbada.
5 Ohave likolelele komahalo avo mai;*Ohava kundafana nghee tava dulu okuholeka eemwiyo davo.
Ohava ti: “Olyelye te di mono?”
6 Ohava kongo eenghedi dipe dokulonga owii;Eemhangela davo domeholeko ohave di wanifa po noukeka;Osho keshe umwe ta diladila momutima waye kashi shiivike.
7 Ashike Kalunga ote ke va yasha;Otava ka ehamekwa koikuti meendelelo.
8 Omalaka avo otae va etele ehanauno;Aveshe ovo tave ke shi mona otava ka pukaapuka omitwe davo.
9 Opo nee ovanhu aveshe otava ka kala va tila,Notava ka shiivifa osho Kalunga a ninga,Notava ka uda ko oilonga, oyo Kalunga a longa.
10 Omuyuki ota kala a hafa omolwaJehova, nota ka konga eameno muye;Aveshe ovo ve li ovayuki momitima otava ka hafa.*
