Omapsalme 66:1-20
Komuwiliki. Eimbilo. Epsalme.
66 Ovanhu nye amushe vokombada yedu, ingideni kuKalunga nehafo.
2 Edina laye la tumbala li imbileni omaimbilohambelelo.*
Mu tumbalekifeni nomaimbilohambelelo.
3 Tyeni kuKalunga: “Oilonga yoye kai kumwifa tuu!
Omolweenghono doye dinene,Ovatondi voye otava ka ongotela koshipala shoye.
4 Ovanhu aveshe kombada yedu otave ke ku linyongamena;Otave ke ku imbila omaimbilohambelelo;Otava ka imbila edina loye omaimbilohambelelo.” (Sela)
5 Ileni mu tale oilonga yaKalunga.
Oilonga oyo a longela ovana vovanhu oikumwifi.
6 Okwa ninga efuta li kale oukukutu;Ova tauluka omulonga kolupadi.
Otwa li twa nyakukilwa muye oko.
7 Ota pangele fiyo alushe omolweenghono daye.
Omesho aye otaa tale oiwana.
Ovatangalali inave litumbaleka. (Sela)
8 Ovanhu nye, tangeni Kalunga ketu,Nomawi oku mu tanga naa udike.
9 Ohe tu kaleke nomwenyo;Iha efa eemhadi detu di punduke.*
10 Osheshi ove, Omwene Kalunga, owe tu konakona;Ngaashi oshisilveri hashi yelifwa, naave osho we tu yelifa.
11 Owe tu twala monete yomoukongo;Owe tu tenheka* omutengi mudjuu.
12 Owa efa ovanhu ovo vehe kwete okufya va londe kombada yetu;*Otwa pitila momundilo nomomeva;Opo nee owe tu eta konhele yetulumuko.
13 Ohandi ke uya meumbo loye nomaxwikiloyambo aeshe;Ohandi ka wanifa po osho nde ku udanekela,
14 Osho omilungu dange da udanekaNokanya kange ka popya, eshi nda li moudjuu.
15 Ohandi ku yambele oinamwenyo ya ondoka,Pamwe nomwifi womayambo eedi deendume.
Ohandi yambe eengobe deemhedi, pamwe noikombo yoindume. (Sela)
16 Amushe ovo hamu tila Kalunga, ileni, mu pwilikine,Nohandi ke mu lombwela osho a ningila nge.*
17 Onde mu ifana nokanya kange,Nonde mu fimanekifa nelaka lange.
18 Ngeno onda li nda humbata oshinima shii momutima wange,Ngeno Jehova ina uda nge.
19 Ashike Kalunga okwa uda nge;Okwa pwilikina nelitulemo keilikano lange.
20 Kalunga na tangwe, oo ina anya okuuda eilikano lange,Ile a anye okuulikila nge ohole yaye i na oudiinini.
Eshangelo lopedu
^ Ile “shikileni omusika.”
^ Ile “pungauke; funge.”
^ Eln., “keenho detu.”
^ Eln., “komitwe detu.”
^ Ile “omwenyo wange.”
