Omapsalme 73:1-28
Eimbilo laAsaf.
73 Kalunga omuwa shili kuIsrael, kwaavo ovayuki momitima.
2 Ame, eemhadi dange hanga da kanduka mo mondjila;Hanga da ya omufenu, eshi handi katuka.
3 Osheshi onda li nda twila ondubo ovalinenepeki,*Eshi handi tale nghee ovakolokoshi ve na ombili.
4 Osheshi vo ihava udu ouyehame, ngeenge tava fi;Omalutu avo oku na oukolele.*
5 Ihava hangwa koupyakadi, ngaashi ovanhu vakwao,Noihava mono oixuna, ngaashi ovanhu vakwao.
6 Onghee hano, elinenepeko olo elyenge lavo lomofingo;Ohava djala elongifo leenghono, ngaashi oshikutu.
7 Oupuna* wavo owa ningifa omesho avo a kale a tumhuka mo;Ova mona shihapu shi dulife osho va li tava diladila momitima davo.
8 Ohava sheke nokupopya oinima ii.
Ohava ningile vamwe omatilifo kutya otave ke va fininika.
9 Ohava popi va fa ve li pombada ngaashi eulu,Nomalaka avo ohaa endaenda kombada yedu.
10 Onghee ovanhu vaye ohava pilukile kuvo,Nokunwa momeva avo mahapu.
11 Ohava ti: “Kalunga ote shi shiiva ngahelipi?
Mbela Omukombadambada oku na ngoo shili eshiivo?”
12 Heeno, ava ovakolokoshi, ovo vehe na alushe oupyakadi.
Otava twikile okuhapupalifa oupuna wavo.
13 Onde lihepeka shili epwanga, eshi nda kala omuyuki momutima,Nonda kosha omake ange ndi ulike kutya nghi na etimba.
14 Nonda kala moupyakadi efimbo alishe;Ongula keshe, onda li handi pi.
15 Ashike ngeno onda li nda popya oinima oyo,Ngeno onda kengelela ovanhu voye.*
16 Eshi nda kendabala oku shi uda ko,Osha li sha piyaaneka nge,
17 Fiyo osheshi nda ya monhele iyapuki inene yaKalunga,Nonda uda ko onakwiiwa yavo.
18 Oshoshili owe va tula pedu li na omufenu,
Owe va efa va wile po nokuhanauka po.
19 Otava hangwa koudjuu ombadilila.
Exulilo lavo otali ka kala lombadilila nolinyanyalifi.
20 Omwene Jehova, eshi to ka fikama, oto ke va xulifa po,*Ngaashi omunhu a twa ondjodi, ndele ta penduka mo.
21 Ashike omutima wange owa li wa nyemata,Nomeni lange* onda li ndi udite ouyehame muhapu.
22 Kanda li handi diladila, nokanda li ndi na eshi ndi udite ko;Onda li nda fa oshinamwenyo shihe na eendunge koshipala shoye.
23 Ashike paife ohandi twikile okukala pamwe naave;Owa kwata nge keke lange lokolulyo.
24 Oho wilike nge nomayele oye,Nolwanima, oto ka fila nge onghenda.
25 Olyelye vali ndi na meulu?
Ngeenge ndi ku na, itandi pumbwa sha vali kombada yedu.
26 Olutu lange nomutima wange otai dulu okunghundipala,Ashike Kalunga oye emanya lomutima wange noshitukulwa shange fiyo alushe.
27 Oshoshili, ovo tava kala kokule naave otava xulu po.
Oto ka xulifa po* keshe oo te ku efa po, omolwelihumbato inali koshoka.*
28 Ashike kwaame, okweehena popepi naKalunga oshiwa kwaame.
Omwene Jehova, Omunamapangelo aeshe, oye nda ninga ouhondameno wange,Ndi hepaulule oilonga yaye aishe.
Eshangelo lopedu
^ Ile “ovalitangi.”
^ Ile “Omadimo avo okwa ondoka.”
^ Eln., “Oinghene.”
^ Eln., “epupi lovanamati voye.”
^ Eln., “tonda.”
^ Eln., “Nomeefiyo dange.”
^ Eln., “mweneka.”
^ Ile “ehe fi omudiinini.”
