Omapsalme 75:1-10
-
Kalunga oha tokola pauyuki
-
Ovakolokoshi otava ka nwa meholo laJehova (8)
-
Komuwiliki. Oli na okwiimbwa mongovela “Ino eta ehanauno.” Epsalme laAsaf. Eimbilo.
75 Kalunga ketu, ohatu ku pandula, ohatu ku pandula;Edina loye oli li popepi,Novanhu otava hepaulula oilonga yoye ikumwifi.
2 Owa ti: “Eshi nda tula po efimbo,Ohandi tokola pauyuki.
3 Eshi edu novakalimo vako aveshe va li va mbadapala,*Aame nda li nda kaleka eengudi dalo da pama.” (Sela)
4 Onda tya kovalitangi, “Inamu litanga,”
Nokovakolokoshi, “Inamu litangela eenghono* deni.
5 Inamu litangela eenghono* deni pombada,Ile mu popye nelinenepeko.
6 Osheshi efimano ihali uyaTali di koushilo, ile kouninginino, ile kolukadi.
7 Osheshi Kalunga oye Omutokoli.
Oha tula omunhu umwe pedu, noha tumbaleke mukwao.
8 Osheshi meke laJehova omu na eholo;Omaviinyu okwa fufuma, nokwa pilulwa nawanawa.
Ote ke a tilashi shili,Novakolokoshi aveshe vokombada yedu otave ke a nwa, fiyo osheshi a pwa mo.”
9 Ashike ame ohandi i hepaulula fiyo alushe;Kalunga kaJakob ohandi mu imbile omaimbilohambelelo.*
10 Osheshi oha ti: “Ohandi xulifa po eenghono adishe* dovakolokoshi,Ndele eenghono* dovayuki otadi ka tumbalekwa.”
Eshangelo lopedu
^ Eln., “hengumuka.”
^ Eln., “oluvinga.”
^ Eln., “oluvinga.”
^ Ile “shikile omusika.”
^ Eln., “omaluvinga.”
^ Eln., “omaluvinga.”
