Omapsalme 76:1-12
Komuwiliki; oli na okwiimbwa noishikomwa yeengodi. Epsalme laAsaf. Eimbilo.
76 Kalunga okwa shiivika muJuda;Edina laye olinene muIsrael.
2 Onhele yaye yokukala oi li muSalem,Nolukalwa laye oli li muSion.
3 Oko a teyaulila oikuti youta ya tema omundilo,Oshikelelifo neongamukonda noilwifo yomoita. (Sela)
4 Ouyelele woye owa twa;*Owa tumbala neenghono u dule eemhunda, oko haku kala oilyani.
5 Ovo ve na ouladi komutima ova kwatwa ko.
Ova kofa;Omatangakwaita aeshe kaa li e na ekwafo lasha.
6 Omwene Kalunga kaJakob, eshi wa handukilaOvalondi vomatemba nosho yo eenghambe, aveshe ova kofa mepakumo leisho.
7 Oove auke omukumwifi.
Olyelye ta dulu okukala ofika koshipala shoye, ngeenge wa handuka neenghono?
8 Oho tokola okudja meulu;Edu ola li la tila nola li la mwena,
9 Eshi Kalunga a fikama a tokole,Opo a xupife ovalidiiniki* aveshe kombada yedu. (Sela)
10 Ngeenge ovanhu ova handuka, otashi yandje omhito u tangwe;Natango ngeenge ova handuka, otashi yandje omhito u fimanekwe.
11 Udanekela Jehova, Kalunga koye, omaudaneko noku a wanifa po;Aveshe ovo ve mu dingilila nava ete eeshali davo ve na etilo.
12 Ota ka ninipika ounhwa* wovawiliki;Ota ka tula oumbada meehamba dokombada yedu.
