Omapsalme 79:1-13
Eimbilo laAsaf.
79 Kalunga kange, oiwana oya ponokela efyuululo loye;Oya nyateka otembeli yoye iyapuki;Oya ninga Jerusalem onduba yoikulukuma.
2 Oya yandja oimhu yovapiya voye onga oikulya keedila dokeulu,Nombelela yovadiinini voye koifitukuti yokombada yedu.
3 Oya tilashi ohonde yavo, ngaashi omeva a dingilila Jerusalem,Nokape na oo a xupa po e va pake.
4 Otwa ninga oshinima shidinifa kovashiinda shetu;Ovo ve tu dingilila otave tu sheke noku tu lengaifa.
5 Omwene Jehova, fiyo onaini to kala wa handuka? Mbela ofiyo alushe?
Fiyo onaini ehandu loye tali kala la xwama ngaashi omundilo?
6 Handukila oiwana oyo ihe ku shiiNomauhamba oo ihaa ifana edina loye.
7 Osheshi oya hanauna po Jakob,Noya mbuwaleka oshitukulwa shaye.
8 Ino tu valulila omanyono ootatekulululwa.
Tu fila onghenda diva,Osheshi otwa ninipikwa neenghono.
9 Omwene Kalunga kexupifo letu, tu kwafelaOmolwedina loye la tumbala;Tu xupifa nokudima po* omanyono etu omolwedina loye.
10 Omolwashike oiwana i na okutya: “Kalunga kavo oku li peni?”
Nashi shiivike mokati koiwana moipafi yetuKutya ohonde yovapiya voye, oyo ya tika, oya pulwa ko.
11 Uda okutwa omadima kwomunadolongo.
Longifa eenghono* doye dinene u xupife* ovo va tokolelwa efyo.*
12 Shunifila ovashiinda shetu lwoikando i dulife puiheyali,Omolwomasheko oo ve ku sheka, Omwene Jehova.
13 Opo nee fye, ovanhu voye nosho yo oufita womoulifilo woye,Ohatu ke ku pandula fiyo alushe;Nohatu ka shiivifa efimano loye okudja kepupi fiyo okepupi.
Eshangelo lopedu
^ Eln., “nokutuvikila.”
^ Eln., “okwooko.”
^ Ile tashi dulika, “mangulule.”
^ Eln., “ovanamati vefyo.”
