Omapsalme 81:1-16
Komuwiliki; la stelwa puGittit.* Epsalme laAsaf.
81 Imbileni Kalunga nehafo, oo e li eenghono detu.
Imbileni Kalunga kaJakob mwa nyakukwa.
2 Hoveleni omusika, ndele tamu kufa okangoma,Okaxumbafeta pamwe noshishikomwa sheengodi.
3 Shikeni enghuma momwedi mupe,Momwedi u yadi, mefiku loshivilo shetu.
4 Osheshi oshi li omhango kuIsrael,Oshipango shaKalunga kaJakob.
5 Okwe i tula po, i li edimbulukifo laJosef,Eshi a ya a ka kondjife edu laEgipiti.
Onda uda ondaka,* oyo inandi dimbuluka, tai ti:
6 “Onda kufa ko omutengi komapepe aye;Omake aye okwa li a mangululwa ko koshimbaba.
7 Moudjuu woye owa ifana, nonde ku xupifa;Onde ku nyamukula okudja momungungumo woshilemo.*
Onde ku yeleka pomeva aMeriba.* (Sela)
8 Oshiwana shange, pwilikineni, nohandi ke mu hokololifa.
Akutu Israel, ngeno owa li ashike to pwilikine kwaame.
9 Mokati keni itamu ka kala kalunga ehe shiivike,Noitamu ke linyongamena kalunga wokoilongo.
10 Ame, Jehova, aame Kalunga keni,Oo e mu pitifa mo medu laEgipiti.
Ekamekeni omakanya eni a pwa ko, nohandi ke a yadeka.
11 Ashike oshiwana shange inashi pwilikina kondaka yange;Israel ina dulika kwaame.
12 Onghee onde va efa va shikule omitima davo dikukutu;Ova ninga osho va li tava diladila kutya oshi li mondjila.*
13 Ngeno oshiwana shange oshi pwilikine ashike kwaame,Ngeno Israel oku ende ashike meendjila dange!
14 Ngeno ovatondi vavo ohandi va findi diva;Ngeno eke lange ohandi ke li taalelifa kovatondi vavo.
15 Ovo ve tonde Jehova otava ka ongotela moipafi yaye,Noilanduliko* yavo otai kala po fiyo alushe.
16 Ashike ye ote ke mu* palula noilya yo-wheat ya denga mbada,*Noku mu kutifa nomaadi eenyiki taa di memanya.”
Eshangelo lopedu
^ Tala Omafatululo oitya.
^ Ile “elaka.”
^ Eln., “monhele yomeholeko lomungungumo.”
^ Tali ti “Eenhangu.”
^ Eln., “Ova enda momayele avo.”
^ Eln., “Nefimbo.”
^ Eln., “ye,” sha hala okutya, oshiwana shaKalunga.
^ Eln., “noinghene.”
