Omapsalme 84:1-12
Komuwiliki; la stelwa puGittit.* Epsalme lovanamati vaKora. Eimbilo.
84 Etwalihangano loye linene oliwa* shi fike peni,Omwene Jehova womatangakwaita!
2 Ounhu wange* aushe owa djuulukwa,Heeno, ohandi ongotele kodjuulufiOmolwomikala deumbo laJehova.
Omutima wange nombelela yange otai imbile nehafo Kalunga omunamwenyo.
3 Nokuli nokadila otaka mono ko eumbo,Nokahanameva otake litungile ko oshihadi,Omo taka file oshisho oudilona vako,Popepi noaltari yoye inene, Omwene Jehova womatangakwaita,Ohamba yange naKalunga kange.
4 Ovo hava kala meumbo loye ova hafa.
Otava twikile oku ku tanga. (Sela)
5 Ovanhu ovo tava kongo eenghono kwoove ova hafa,Ovo omitima davo da halelela okukala mondjila oyo ya yuka keumbo loye.
6 Ngeenge tava piti mEfilu laBaka,*Ohave li ningi onhele yeefifiya;Nodula yotete ohai li djaleke* nomanangeko noupuna.
7 Otava ka enda tava mono eenghono dihapu;Keshe umwe ota ka holoka koshipala shaKalunga muSion.
8 Omwene Jehova, Kalunga komatangakwaita, uda eilikano lange;Pwilikina, Omwene Kalunga kaJakob. (Sela)
9 Tala, oshikelelifo shetu nosho yo Kalunga ketu,*Tala oshipala shomuvaekwa woye.
10 Osheshi efiku limwe momikala doye oli dule omafiku eyovi pamwe pe lili.
Onda hoolola okukala ofika poshivelo sheumbo laKalunga kange,Ponhele yokukala momatwali ovakolokoshi.
11 Osheshi Jehova Kalunga oye etango noshikelelifo;Oha file onghenda, noha yandje efimano.
Jehova iha ngungunine sha shiwaOvo tava ende moudiinini.
12 Omwene Jehova womatangakwaita,Omunhu oo e ku lineekela, ota kala a hafa.
Eshangelo lopedu
^ Tala Omafatululo oitya.
^ Ile “oli holike unene.”
^ Ile “Omwenyo wange.”
^ Ile “mefilu loixwa yobaka.”
^ Ile tashi dulika, “Nomuhongi ohe li dingile.”
^ Ile tashi dulika, “Tala koshikelelifo shetu, Omwene Kalunga.”
